Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Aıda Balaeva: Jýrnalısterge alǵys aıtýdan sharshamaımyn

2020 jyldyń 23 qazan 2020 14:33

NUR-SULTAN. QazAqparat – Aqparat jáne qoǵamdyq damý mınıstri Aıda Balaeva jýrnalısterge alǵys aıtty, dep habarlaıdy QazAqparat tilshisi.

«Men shynynda da kásibılik tanyta bilgen jýrnalısterge alǵys aıtýdan sharshamaımyn. Olar óz ómirlerin de qaýipke tige otyryp, elimizdiń eń kúrdeli kezeńderine qatysty aqparat berip otyrdy. Elde tótenshe jaǵdaı jarııalanǵan kezde memleket qolǵa alyp jatqan sharalardy qamtyp aqparat berip, qoǵamda dúrbeleń týyp ketpeýine atsalysty», - dedi Aıda Balaeva OKQ-da ótken baspasóz máslıhatynda.

Mınıstr pandemııa alǵash bastalǵan kezde adamdar vırýstyń baryna senbegenin de jetkizdi.

«Sol sebepti bizdiń jýrnalıster TJ jarııalanǵan alǵashqy ýaqytta adamdardyń úıinde otyrýy úshin aqparat taratyp, kásibı biliktilikterin tanyta bildi. Jýrnalısterdiń bárine alǵys aıta otyryp, barlyǵynyń densaýlyǵy myqty bolýy tileımin. Sebebi vırýs quryp ketken joq. Búgin de jýrnalısterimiz basyn báıgege tige otyryp, jumys júrgizip, halyqqa eń kerekti jáne shynaıy aqparatty jetkizýde», - dedi ol.

Aıda Balaeva sonymen qatar elde koronavırýs órshigen kezde feık jańalyqtardyń da úlesi artyp ketkenin aıtty.

«Jýrnalısterdiń eńbegi men kásibı biliktiliginiń arqasynda bizdiń el feık jańalyqtary eń az memleket retinde reıtıngtiń bas jaǵynan kórindi. Feıkter jalpy qoǵamda dúrbeleń týǵyza alarlyq kúsh. Óz tarapymyzdan «Stop-feık» atty resýrs jasadyq. Búgingi tańda ol óte tıimdi jumys júrgizýde. 100-ge tarta feık jańalyqtar anyqtaldy. Eń bastysy ol jańalyqtarǵa qatysty jaýapty memlekettik organdar jedel jaýap berip otyr», - dedi ol.


Joǵary qaraı