Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

AQDM memlekettik aqparattyq tapsyrysty qalyptastyrý krıterıılerin ózgertedi

2020 jyldyń 15 tamyz 2020 18:04

NUR-SULTAN. QazAqparat - Telearnalardyń aqparattyq saıasatynyń qazirgi jaı-kúıi qandaı? Jekemenshik medıamen ózara is-qımyl úshin qandaı jumys júrgizilip jatyr? Bul saýaldarǵa búgin QR Aqparat jáne qoǵamdyq damý mınıstri Aıda Balaeva prezıdenttik kadrlyq rezervke kirgen jastarmen Zoom tuǵyrnamasynda onlaın rejımdegi kezdesý barysynda aıtyp berdi, dep habarlaıdy QazAqparat tilshisi.

Kezdesý barysynda B2C consulting group basqarýshy seriktesi Aleksandr Danılov mınıstrden qazirgi aqparattyq saıasattyń jaı-kúıin surady.

«Aqparattyq saıasat turǵysynda biz qalaı qaraı jyljýymyz kerek, kózqarasyńyz qandaı? Jeke medıamen jumys qalaı bolmaq?», - dedi ol.

Osy oraıda Aqparat jáne qoǵamdyq damý mınıstrligi eshqandaı qysym bolmaýy tıistigin basa aıtty.

«Biz turyp jatqan óńirine qaramastan árbir adamǵa elimizde júzege asyrylyp jatqan saıasatty jetkizýge tıispiz. Óńirlerdiń erekshelikteri de bar. Óńirlik telearnalar dál sol erekshelikterdi basty nazarda ustaýǵa baǵyttalǵan. Al jeke BAQ-pen ózara is-qımylǵa qatysty aıtar bolsam, ol memlekettik aqparattyq tapsyrys arqyly júzege asyrylady. Búginde ózara is-qımyl formatyn, memlekettik aqparattyq tapsyrys qalypastyrý krıterııleri men ádisin ózgertip jatyrmyz. Jumys toby quryldy. Ol problemaly máselelerge saraptama jınyntyǵyn jasaıdy», - dedi Aıda Balaeva.

Mınıstrdiń atap ótýinshe, qazirgi ýaqytta ómirdiń barlyq salasyn keńinen kórsetý úshin memlekettik aqparattyq tapsyrystyń saraptamalyq bóligin keńeıtýge qatysty krıterıılerdi ózgertý qarastyrylyp jatyr.

«Ókinishke qaraı, búginde aqparattyq tapsyrys jańalyq bloktary arqyly beriledi. Biz árbir sala keńinen kórsetilýi úshin saraptamaǵa basymdyq bermekpiz. Osyǵan baılanysty bizde strategy2050.kz resýrsy bar. Ony da qaıta jasaqtadyq. Ol da aqparattyq resýrsqa aınalatyn bolady. Tolyqtaı alǵanda, rezervshilerge belsendi yntymaqtastyq usynamyn. Sizder de kreatıvti rolıkter ázirlep, aqparattyq jumystyń jańa formalaryna keńes bere alasyzdar», - dedi mınıstr.


Joǵary qaraı