Aýa raıy
Astana 2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Ákimder Indýstrııalandyrý kartasyndaǵy jobalarǵa jeke ózderi jaýapty bolady – Asqar Mamın

2020 jyldyń 15 qyrkúıek 2020 10:06

NUR-SULTAN. QazAqparat – Ákimder Indýstrııalandyrý kartasyndaǵy jobalar boıynsha jeke jaýapty bolady. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Qazirgi kezde syrtqy naryqtaǵy turaqsyzdyq deńgeıi óte joǵary. Sondyqtan barlyq kúsh-jigerdi syrtqy jáne ishki suranys neǵurlym turaqty salalarǵa, onyń ishinde jeńil ónerkásip, tamaq jáne hımııa ónerkásibi, mashına jasaý jáne farmatsevtıka salalaryna jumsaý qajet. Keńinen paıdalanylatyn otandyq qurylys materıaldaryn, shyny, keramıka, sanfaıans jáne taǵy basqalardy óndirýdi kóbeıtý qajet», - dedi Úkimet basshysy.

Onyń aıtýynsha, álemde kómirtegi baǵasynyń tómendeýi tehnologııalyq kúrdeli salalarǵa mán berý qajettigin kórsetip otyr. Bul munaı-hımııa jáne gaz óńdeý salalaryna qatysty.

«Sondyqtan Indýstrııa mınıstrligine memlekettik organdarmen jáne ákimdiktermen birlesip, bıylǵy jylǵa josparlanǵan barlyq jobalardy iske asyryp qana qoımaı, Indýstrııalandyrý kartasynyń jobalary pýlyn qosymsha qarap, keńeıtýdi, sondaı-aq jańa jobalardy qarastyrýdy tapsyramyn», - dedi ol.

Premer-Mınıstr jobalardyń barlyǵy óńirlerde iske asatyndyǵyn atap ótti.

«Bıyl kapıtal salymyn eń kóp qajet etetin jobalar Qaraǵandy, Aqtóbe, Almaty, Jambyl, Pavlodar oblystarynda jáne Almaty qalasynda iske asyrylyp jatyr. Qalǵan óńirler jobalardy iske asyrýdy jandandyrsyn. Ákimder Indýstrııalandyrý kartasyndaǵy jobalar boıynsha jeke jaýapty bolady», - dep eskertti Asqar Mamın.


Joǵary qaraı