Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ákimdik almatylyqtardyń jol jóndeýge qatysty shaǵymyna jaýap berdi

2021 jyldyń 10 qyrkúıek 2021 15:32

ALMATY. QazAqparat - Almaty ákimdigi qala kósheleriniń birine asfalt tóseýge qatysty turǵyndardyń shaǵymyna jaýap berdi, dep habarlaıdy QazAqparat tilshisi.

«Buqaralyq aqparat quraldary men áleýmettik jelilerde Almaty qalasynyń «Jetisý aýdanynda ınjenerlik jeliler qurylysy aıaqtaý merziminen keshigip jatyr» degen aqparat shyndyqqa janaspaıdy. Qalanyń osy bóliginde, atap aıtqanda, Qazybaev - Raıymbek - Tátibekov - Q.Rysqulov kóshelerindegi jóndeý jumystary kestege sáıkes júrip jatyr. Merdiger kompanııa Hamıdı kóshesindegi jol jamylǵysyn bes kún ishinde - 15 qyrkúıekke deıin tolyq qalpyna keltiredi», - dep habarlady Almaty qalalyq Energotıimdilik jáne ınfraqurylymdyq damý basqarmasy.

Sonymen qatar, basqarmadaǵylar joba merdiger kompanııamen jasalǵan kelisimshart talaptaryna sáıkes qarjylandyrylatynyn atap ótti.

«Asfalt jáne ınjenerlik jeli tóseý jumystary T.Ahtanov, Báıishev, Belorýsskaıa, B.Qydyrbekuly, Matrosov, Noǵaıbaev, Saltykov-edrın kóshelerinde tolyq aıaqtaldy. Qazir Radıev, Týrın, Túrikmen jáne Shelıhov kóshelerine asfalt tóseýge daıyndyq júrip jatyr. Megapolıs boıynsha ınjenerlik jeliler qurylysynyń barysy ýákiletti qyzmetterdiń kúndelikti baqylaýynda», - dep habarlady ákimdikten.


Avtor Alma Muqanova
Basty sózder: Almaty, Ákim, Jol,
Joǵary qaraı