Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Ákimdikter baǵany turaqtandyrý sharalaryn qabyldaý kerek – Asqar Mamın

2020 jyldyń 15 qyrkúıek 2020 10:23

NUR-SULTAN. QazAqparat - Ákimdikter baǵany turaqtandyrý sharalaryn qabyldaý kerek. Bul týraly Úkimet otyrysynda Premer-Mınıstr Asqar Mamın málim etti, dep habarlaıdy QazAqparat tilshisi.

«Azyq-túliktiń qoljetimdiligi men sapasyn qamtamasyz etý – qazaqstandyqtardyń turmys sapasynyń basty faktorlarynyń biri. Bıylǵy qalyptasqan jaǵdaıda Úkimet pen ákimdikter ónim óndirýdi, saqtaýdy jáne barlyq óńirlerge jetkizýdi qamtamasyz etý boıynsha sharalar keshenin qabyldady.

Áleýmettik mańyzy bar taýarlardyń shekti baǵasy belgilendi, baǵany tejeý mindettemesimen «qaıtarymdy shema» arqyly saýda jelilerine jeńildikti qaryz berý praktıkasy keńeıtildi. Aýyl sharýashylyǵy taýar óndirýshilerin memlekettik qoldaý sharalary kórsetildi, forvardtyq satyp alý mehanızmi engizildi», - dedi Úkimet basshysy.

Onyń sózine qaraǵanda, osy sharalar áleýmettik mańyzy bar taýardyń baǵasyn 4,4 paıyz deńgeıinde turaqtandyrýǵa múmkindik berdi, bul ótken jylǵy kórsetkishten 2 ese az.

«Almaty qalasynyń baǵany turaqtandyrý boıynsha jáne osy baǵytta naqty júrgizilgen jumysyn atap ótken jón. Qalada «qaıtarymdy shema» úshin jedel túrde qarajat bólindi, bul turaqtandyrý qorlaryn der kezinde tolyqtyrýǵa, satyp alynatyn áleýmettik mańyzy bar taýarlardyń tizimin keńeıtýge múmkindik berdi. Osy rette, barlyq ákimdikter bul baǵyttaǵy jumysty belsendi jalǵastyryp, baǵany turaqtandyrý sharalaryn qabyldaý kerek, bul úshin tıimdi quraldar bar. Ákimdikter aldyn alý sharalaryn der kezinde qabyldasa, baǵanyń turaqtylyǵy men ony tejeý qamtamasyz etiledi», - dedi Asqar Mamın.


Joǵary qaraı