Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblystyq Úkili Ybyraı atyndaǵy fılarmonııaǵa bıyl 75 jyl toldy

2021 jyldyń 5 mamyr 2021 18:31

KÓKShETAÝ. QazAqparat - Aqmola oblysy attary álemge áıgili óner týmalarymen tanymal óńir. Solardyń biri qazaqtyń halyq sazgeri, ánshisi - Úkili Ybyraıǵa oblystyq fılarmonııa ataýy berilgen. dep habarlaıdy QazAqparat oblystyq ishki saıasat basqarmasyne silteme jasap.

Óńirde kóptegen óner oshaqtary jumys isteıdi. Solardyń biri, qazirgi tańda, tek otandyq qana emes, sonymen qatar sheteldik oryndaýshylardyń klassıkalyq shyǵarmalary oryndalatyn alań - oblystyq fılarmonııa.

Óner ordasynyń negizgi qyzmeti ulttyq mádenıetti, uly aqyndardyń murasyn, qazaqstandyq kompozıtorlardyń shyǵarmalaryn jáne klassıkalyq mýzyka óneriniń jaýharlaryn nasıhattaý jáne damytý.

«Oblystyq fılarmonııa burynǵy Temirjolshylar mádenıet saraıynyń ǵımaratynda ornalasqan. Ǵımarattyń ózi 1963 jyly salynǵan, ol 2 myń sharshy metrden astam aýmaqty alyp jatyr. Onyń kontserttik bólmeleri 400 kórermendi qabyldaı alady. Búginde fılarmonııa shtatynda 146 shyǵarmashylyq qyzmetker, 10-ǵa jýyq shyǵarmashylyq ujym tabysty eńbek etýde, sondaı-aq solıst-vokalıster men aspapshy-solısterdi qamtıtyn mýzykalyq lektorıı bar», - dedi mekeme dırektory Nurgúl Shaıkenova.

Aıta ketsek, fılarmonııa óńirdegi jalǵyz kásibı kontserttik uıym. Onyń ujymdary negizinen respýblıkalyq deńgeıdegi mýzykalyq jobalardy ótkizýge qatysady. Fılarmonııa mýzykalyq komponentten basqa, erekshe bilim berý qyzmetin de júrgizedi. Sebebi, munda jańa kontserttik baǵdarlamalar, mýzykalyq jobalar júzege asyrylyp, sol arqyly mýzyka salasyndaǵy aqparattyq keńistik qalyptastyrylýda.


Basty sózder: Aqmola oblysy, Mádenıet,
Joǵary qaraı