Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysy: Jastardy qoldaý - basty nazarda

2021 jyldyń 21 qańtar 2021 17:00

KÓKShETAÝ. Aqmola oblysynda jastardy qoldaý máselesine úlken kóńil bólinýde. Bul baǵyttaǵy jumys jastardy memlekettik qoldaý tetikterin tıimdi iske asyrý esebinen júrgizilýde, dep habarlaıdy QazAqparat oblystyq ishki saıasat basqarmasynyń baspasóz qyzmetine silteme jasap.

Memlekettik qoldaý kórsetý sharalary memlekettik baǵdarlamalar arqyly júzege asyrylýda. Oblystyq ekonomıka jáne bıýdjettik josparlaý basqarmasynyń málimetinshe, nátıjeli jumyspen qamtýdy jáne jappaı kásipkerlikti damytýdyń 2017–2021 jyldarǵa arnalǵan «Eńbek» baǵdarlamasy boıynsha 2020 jyly 6829 jas jumysqa ornalastyryldy, onyń ishinde bos jumys oryndaryna 4689 adam, aqyly qoǵamdyq jumystarǵa 1071 adam, áleýmettik jumys oryndaryna 139 adam, jastar praktıkasyna 903 adam, jastar qatarynan 27 adam.

«Bastaý-Bıznes» jobasy boıynsha 519 adam oqýǵa jiberildi. Óz isin ashýǵa jáne keńeıtýge 131 adam nesıe aldy, jańa bıznes-jobalarǵa 214 adam grant aldy. Óńirde «Dıplommen aýylǵa» jobasy sátti júzege asyrylýda.

«Ótken jyly oblystyń aýyldyq eldi mekenderine jumys isteý jáne turý úshin kelgen áleýmettik sala men agroónerkásiptik keshenniń jas mamandaryna 434 bıýdjettik nesıe berildi, 627 adam kóterme járdemaqy aldy», - dedi oblystyq ekonomıka jáne bıýdjettik josparlaý basqarmasyndaǵylar.

Aqmolalyqtardyń turǵyn úı jaǵdaıyn jaqsartý maqsatynda ótken jyly «7-20-25» baǵdarlamasy boıynsha 730 ótinim maquldandy, onyń 256-sy jas otbasylardan. Jastardyń túrli áleýmettik jobalary da úlken qoldaý tapty, olardyń basym bóliginde eriktiler jyly aıasyndaǵy volonterlik salasyndaǵy jobalar bar. Ótken jyly óńirde volonterlik qyzmetke 3000-ǵa jýyq erikti tartyldy, Tótenshe jaǵdaı rejımi kezeńinde turaqty negizde 900-den astam volonter jumys istedi.


Avtor Aslan Ospanov
Basty sózder: Aqmola oblysy, Jastar,
Joǵary qaraı