Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysy jylytý maýsymyna daıyn

2021 jyldyń 17 qyrkúıek 2021 14:56

KÓKShETAÝ. QazAqparat - Aldaǵy 2021-2022 jylǵy jylytý maýsymyna daıyndyq bıyl erte bastaldy. Mamyrdyń 1-de bastalǵan daıyndyq jumystary qazirgi kezde aıaqtalý satysynda, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Oblystyq energetıka jáne turǵyn úı kommýnaldyq sharýashylyq basqarmasynyń málimetinshe, jylytý maýsymyn sátti ótkizý úshin barlyq 663 qazandyq daıyndalyp, jóndeldi.

75,1 km jylýmen jabdyqtaý jelilerine aǵymdaǵy jóndeý jumystary júrgizildi.

Barlyq áleýmettik nysandar, sonyń ishinde bilim berý, densaýlyq saqtaý, sondaı-aq 2520 turǵyn úı jylytý maýsymyna tolyqtaı daıyn.

Oblys ortalyǵynyń turǵyndary jylytý maýsymynyń sapaly oıdaǵydaı bolýyna alańdaýshylyq bildirdi.

Óıtkeni, jylý tutynýshylardyń basym kópshiligi turǵyndar.

«Kókshetaý jylý» kommýnaldyq kásiporynan atap ótkendeı, RK-1 jáne RK-2 boıynsha jumystardyń jalpy oryndalýy 100 paıyzdy qurady. Osy eki jylýmen jabdyqtaý obektilerinde jalpy stantsııalyq jabdyqtarǵa aǵymdaǵy jáne kúrdeli jóndeý júrgizildi, qyzdyrý betteriniń qubyr bloktaryn aýystyrý jáne basqa da jumystar oryndaldy.

Osyǵan uqsas jumystar Krasnoıar jáne Kókshetaý-2 kentterindegi jergilikti qazandyqtarda da qolǵa alyndy.

«Oblystyń barlyq jylýmen qamtamasyz etý uıymdarymen otyndy jetkizýge ýaqytyly sharttar jasaldy. Jylytý maýsymyna sapaly kirý úshin qajetti 2 aılyq otyn qory daıyndaldy», – dep tolyqtyrdy energetıka jáne turǵyn úı-kommýnaldyq sharýashylyq basqarmasyndaǵylar.


Joǵary qaraı