Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysyn damytýǵa bıyl 118 mlrd teńge qarastyrylǵan – Álıhan Smaıylov

2022 jyldyń 27 mamyr 2022 20:05

KÓKShETAÝ. QazAqparat – 2022 jyly Aqmola oblysyn damytýǵa 118 mlrd teńge qarastyrylǵan. Bul týraly QR Premer-Mınıstri Álıhan Smaıylov Aqmola oblysyna jumys sapary barysynda óńirdiń keshendi áleýmettik-ekonomıkalyq damý máselelerine arnalǵan keńeste aıtty, dep habarlaıdy QazAqparat primeminister.kz saıtyna silteme jasap.

Úkimet basshysy Aqmola oblysy elimizdiń mańyzdy agrarlyq-ónerkásiptik óńirleriniń biri ekenin atap ótti. Sondaı-aq munda molıbden óndirisi, hımııa ónerkásibi, mashına jasaý jáne basqa da salalar qarqyndy damyp keledi.




Keńes barysynda oblys ákimi Ermek Marjyqpaev, Indýstrııa jáne ınfraqurylymdyq damý mınıstri Qaıyrbek Óskenbaev, Aýyl sharýashylyǵy mınıstri Erbol Qarashókeev, Ulttyq ekonomıka vıtse-mınıstri Baýyrjan Omarbekov, Ekologııa, geologııa jáne tabıǵı resýrstar vıtse-mınıstri Zúlfııa Súleımenova, Energetıka vıtse-mınıstri Jandos Nurmaǵanbetov, Densaýlyq saqtaý vıtse-mınıstri Vıacheslav Dýdnık, Bilim jáne ǵylym vıtse-mınıstri Ǵanı Beısenbaev baıandama jasady.

Baıandamashylardy tyńdaǵan QR Premer-Mınıstri 2022 jyly Aqmola oblysyn damytýǵa 118 mlrd teńge qarastyrylǵanyn aıtty. Sonymen qatar respýblıkalyq bıýdjetti naqtylaý aıasynda qosymsha 52,2 mlrd teńge bólindi.

Bul shyǵystar avtomobıl joldaryn rekonstrýktsııalaý men jóndeýge, ınjenerlik, kólik jáne áleýmettik ınfraqurylymdy damytýǵa, turǵyn-úı kommýnaldyq sharýashylyǵyna, turǵyn úı qurylysyna, densaýlyq saqtaý salasyn qarjylandyrýǵa, bilim berýdi damytýǵa, Jibek joly aýylyndaǵy qosalqy stantsııany rekonstrýktsııalaýǵa jáne taǵy basqasyna baǵyttalyp otyr.




Sonymen qatar agroónerkásiptik keshendi qoldaýǵa, Esil ózeniniń arnasyn tereńdetýge, kásipkerlikti nesıeleýge jáne nátıjeli jumyspen qamtýǵa qosymsha qarajat bólindi.

Sondaı-aq Álıhan Smaıylov oblystyń birqatar ózekti máselesine nazar aýdardy.

Premer-Mınıstr oblysta jyl basynan beri áleýmettik mańyzy bar azyq-túlik taýarlarynyń baǵasy shamamen 14% óskenin aıtty.

«Azyq-túlik tapshylyǵy men qymbatshylyqtyń negizsiz oryn alýyna jol bermeý úshin júıeli jumys júrgizý kerek. Bul másele boıynsha turaqty túrde jınalystar ótkizilip, barlyq qajetti quraldar men mehanızmder qabyldanyp otyr. Oblys ákimdigi olardy is júzinde qoldanýy kerek», — dedi Úkimet basshysy.




Buǵan qosa Premer-Mınıstr ákimdikke ústeme baǵalardy baqylaýdy kúsheıtýdi (15%-dan aspaýy tıis), elimizdiń ońtústiktegi óńirleri men taıaý shetel fermerlerimen erte pisetin kókónisterdi jetkizýge tikeleı sharttar jasasýdy, saýda jelilerimen jumys isteý kezinde «aınalym shemasy» tetigin paıdalanýdyń tıimdiligin arttyrýdy jáne forvardtyq mehanızm arqyly aýyl sharýashylyǵy ónimderin jetkizýdi tapsyrdy.

Álıhan Smaıylov óńirdiń ekonomıkasyn ártaraptandyrý – óte ózekti másele ekenin atap ótti.

Bul úshin bıyl óńirde jeke ınvestıtsııalar esebinen jalpy quny 273 mlrd teńgeni quraıtyn 169 jobany iske qosý josparlanyp otyr. Atap aıtqanda, altyn shyǵarý fabrıkasy, jel elektr stantsııasy, broıler qus fabrıkasy jáne kirpish zaýyty iske qosylady dep josparlanǵan.

Sonymen qatar ákimdik Kókshetaýda JEO jáne kópsalaly aýrýhana salý, Býrabaı aýdanynda kýrorttyq aımaq, Arshaly aýdanynda jel elektr stantsııasyn, sondaı-aq Zerendi aýdanynda qus fabrıkasyn jáne qurama jem zaýytyn salý sekildi 1 trln teńgege 135 jobany pysyqtap jatyr.

«Josparlanǵan jobalardyń bárin ýaqytyly iske qosyp, jańa jobalardy sapaly túrde pysyqtaý qajet. Ákimdik bul máselelerdi erekshe baqylaýda ustaǵany jón», — dedi Álıhan Smaıylov.




Keńesti qorytyndylaı kele, Premer-Mınıstr ortalyq memlekettik organdar men oblys ákimdigine taǵy da birqatar tapsyrma berdi: atap aıtqanda, respýblıkalyq deıgeıdegi joldardyń normatıvtik jaı-kúıin keminde 88%, al, jergilikti joldardy keminde 87%-ǵa jetkizýdi qamtamasyz etý, Kenjebaı jáne Rahymjansaı jerasty sýlary ken oryndarynan sý qubyryn tartý jobasyn pysyqtaý, Stepnogorsk qalasynyń magıstraldyq jylý jelilerin rekonstrýktsııalaý jumystaryn qarjylandyrý múmkindigin qarastyrý tapsyryldy.

Sondaı-aq «Bilimdi ult» sapaly bilim berý» ulttyq jobasy aıasynda jańa mektepter salý, Nur-Sultan qalasyndaǵy №2 Aqmola kópbeıindi aýrýhanasyn jáne Kókshetaý qalasyndaǵy Kópbeıindi oblystyq balalar aýrýhanasyn qaıta jańartý jáne zamanaýı jabdyqtarmen jaraqtandyrý múmkindigin qarastyrý tapsyryldy.

«Biz kúsh-jigerimizdi biriktirip, judyryqtaı jumylyp, Aqmola oblysynyń damýyna tyń serpin berýimiz kerek. Halyqtyń ál-aýqatynyń ósýi, ómir súrý sapasynyń jaqsarýy osyǵan tikeleı baılanysty», — dep túıindedi Álıhan Smaıylov.



Joǵary qaraı