Aýa raıy
Astana -7 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda 1 qyrkúıekten beri 68 oqýshy koronavırýs juqtyrǵan

2020 jyldyń 24 qarasha 2020 13:51

KÓKShETAÝ. QazAqparat - Aqmola oblysynda oqý jyly bastalǵannan beri 68 oqýshynyń koronavırýs juqtyrǵany anyqtaldy. Bul týraly óńirlik kommýnıkatsııalar qyzmetinde ótken brıfıngte oblystyq sanıtarııalyq-epıdemıologııalyq baqylaý departamentiniń basshysy Aınagúl Mýsına aıtty, dep habarlaıdy QazAqparat tilshisi.

«Biz kún saıyn oqýshylar arasynda koronavırýs juqtyrýdy anyqtaý boıynsha monıtorıng júrgizip otyramyz. Aqmola oblysynda oqý jyly bastalǵannan beri 68 oqýshynyń koronavırýs juqtyrǵany anyqtaldy, onyń ishinde 23 jaǵdaı kezekshi synypta jáne 45 jaǵdaı qashyqta oqıtyn balalarda tirkeldi. Bul balalarmen baılanysta bolǵan 291 oqýshy anyqtaldy jáne olardan arasynda vırýs belgileri tabylmady», - dedi Aınagúl Mýsına.

Sonymen qatar, ol oblystaǵy mektepke deıingi bilim mekemelerinde koronavırýs ınfektsııasyn juqtyrýdyń 24 jaǵdaıy tirkelgenin atap ótti.

Onyń ishinde Kókshetaý qalasynda–17, Astrahan aýdanynda– 2 jáne Arshaly, Býrabaı, Birjan sal jáne Jarqaıyń aýdandarynda 1 jaǵdaıdan tirkeldi.

Al, mektepke deıingi bilim mekemelerinde tárbıeshiler arasynda zerthanalyq zerttelgen rastalǵan 8 jaǵdaı tirkeldi.

Naqtyraq alǵanda, Kókshetaý qalasynda – 6 jaǵdaı jáne Býrabaı aýdanynda – 2 jaǵdaı.

Aıta keteıik, osyǵan deıin oblystyq Sanıtarııalyq-epıdemıologııalyq baqylaý departamentiniń basshysy Aınagúl Mýsına Aqmola oblysy koronavırýs boıynsha qaýiptiliktiń «qyzyl aımaǵyna» engenin atap ótken bolatyn.

Qazirgi kezde óńirde koronavırýs ınfektsııasynyń taralýyna taldaý júrgizilýde.

Osynyń nátıjesi boıynsha aptanyń sońynda karantındik shekteýlerldi kúsheıtýge qatysty naqty sheshim shyǵarý josparlanǵan.


Joǵary qaraı