Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysynda 17,5 myń stýdent bıýdjet esebinen tehnıkalyq jáne kásiptik bilim alýda

2022 jyldyń 24 qańtar 2022 19:13

KÓKShETAÝ. QazAqparat - Aqmola oblysynda 22 myńǵa jýyq stýdent tehnıkalyq jáne kásiptik bilim alýda, onyń 17,5 myńy bıýdjet esebinen oqyp jatyr, dep habarlaıly QazAqparat tilshisi.

Oblystyq bilim basqarmasy baspasóz qyzmetiniń málimetinshe, oblystyń tehnıkalyq jáne kásiptik bilim berý uıymdarynda tehnıkalyq mamandyqtardy damytýǵa erekshe mán berilýde.

«Oblystyń tehnıkalyq jáne kásiptik bilim berý uıymdarynyń jelisi 32 kolledjden turady, olardyń 26-sy memlekettik jáne 6-ýy jekemenshik. Mundaǵy stýdentter kontıngenti 22 myńǵa jýyq, onyń 17,5 myń nemese 80 paıyzy bıýdjet qarajaty esebinen oqıdy», - dedi vedomstvonyń baspasóz qyzmetinen.

Bilim basqarmasy mamandarynyń aıtýynsha, jyl saıyn memlekettik tapsyrys kólemi óńirdiń eńbek naryǵyndaǵy suranys boıynsha anyqtalady.

«Kadrlardy daıarlaý eńbek naryǵynyń qajettiligin eskere otyryp, 97 mamandyq jáne 165 biliktilik boıynsha ekonomıkanyń 10 salasy arqyly júrgiziledi. Stýdentterdiń 44 paıyzy dánekerleý isi, turǵyn úı-kommýnaldyq sharýashylyq obektileriniń ınjenerlik júıelerin montajdaý jáne paıdalaný, dánekerleýshi, avtomobıl kóligine tehnıkalyq qyzmet kórsetý, jóndeý jáne paıdalaný, elektr jabdyqtary, elektromehanıkalyq jabdyqtarǵa tehnıkalyq qyzmet kórsetý, jóndeý jáne paıdalaný, radıotehnıka, elektronıka jáne telekommýnıkatsııalar, elektrmen jabdyqtaý, marksheıderlik is, paıdaly qazbalardy baıytý (ken baıytý), jylý elektr stantsııalarynyń jylý energetıkalyq qondyrǵylary, paıdaly qazbalar ken oryndaryn ashyq ıgerý, mashına jasaý tehnologııasy, mashınalar men jabdyqtardy paıdalaný jáne tehnıkalyq qyzmet kórsetý, sáýlet, avtomobıl joldary men aerodromdardy salý jáne paıdalaný, temir jol qurylysy, jol jáne jol sharýashylyǵy, ǵımarattar men qurylystardy salý jáne paıdalaný tárizdi ınjenerlik, óńdeý jáne qurylys salasy mamandyqtary boıynsha bilim alýda», - dedi vedomstvodan.

Osy rette, memlekettik tapsyrys qurylymynda bilim berýdiń tehnıkalyq jáne kásiptik bilim berý jáne orta bilimnen keıingi bilim berý (qoldanbaly bakalavrıat) tárizdi eki deńgeıi bólingen. Qoldanbaly bakalavrıat sheńberinde tehnıkalyq baǵyt boıynsha kadrlardy daıarlaý mashına jasaý tehnologııasynyń qoldanbaly bakalavry, avtomobıl kóligine tehnıkalyq qyzmet kórsetý, jóndeý jáne paıdalaný, ǵımarattar men qurylystardy salý jáne paıdalaný, avtomobıl joldary men áýeaılaqtardy salý jáne paıdalaný tárizdi mamandyqtar boıynsha júrgiziledi.

2021-2022 oqý jylyna ınjenerlik, óńdeý jáne qurylys salalaryna bıýdjettik oryndardyń 49 paıyzy júrgizildi. Dýaldy oqytýǵa kóbirek tartylǵan 440 kásiporyn. Memlekettik tapsyrys boıynsha oqıtyn jáne dýaldi oqytýmen qamtylǵan stýdentterdiń úlesi 22 paıyzdy quraıdy. Negizgi áleýmettik seriktester retinde «Stepnogor» Eýropalyq podshıpnık korporatsııasy» AQ, «Tynys» AQ, «Qazaqaltyn» taý-ken metallýrgııa kombınaty» AQ, «St Agro» JShS, «NOVOPEK» JShS, «Kókshetaý joldary» JShS, «RegıonStroı» JShS, «Altynalmas» AQ, «Stepnogor energokesheni» JShS, «Stepnogor Teplotranzıt» JShS sııaqty iri kásiporyndar úles qosýda», - dedi tolyqtyrdy vedomstvodan.


Avtor Aslan Ospanov
Basty sózder: Aqmola oblysy, Aımaq, Bilim,
Joǵary qaraı