Aýa raıy
Astana 10 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda 26 jastaǵy jigit ájesin pyshaqtap óltirdi

2020 jyldyń 18 qyrkúıek 2020 23:10

KÓKShETAÝ. QazAqparat - Aqmola oblysynda shızofrenııamen aýyratyn 26 jastaǵy er adam ájesin óltirgen, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, 17 qyrkúıekte Býrabaı aýdandyq PB kezekshi bólimine 29 jastaǵy er adam habarlasyp, kórshi páterde 75 jastaǵy qarııanyń máıiti jatqanyn aıtqan.

«Oqıǵa ornyna kelgen tártip saqshylary qarııanyń jelke tusyna salynǵan pyshaq jaraqatynan qaıtys bolǵanyn anyqtady. Osy qylmysty jasady degen kúdikpen jábirlenýshiniń 26 jastaǵy nemeresi ustaldy. Kúdiktiniń «Epızootıkalyq paranoıdty shızofrenııa» dıagnozymen psıhıatrlyq dıspanserde esepte turǵany anyqtaldy. Kórshilerdiń aıtýynsha, nemeresi buǵan deıin birneshe ret ájesine dene jaraqatyn salǵan», - deıdi vedomstvodan.

Qazirgi kezde kúdiktiniń ústinen Qylmystyq kodekstiń 99-baby 1-shi bóligi boıynsha is qozǵalyp, sotqa deıingi tergeý amaldary júrgizilip jatyr.

Sonymen birge, sot-medıtsınalyq saraptama taǵaıyndaldy.


Avtor Aslan Ospanov
Basty sózder: Oqıǵa, Zań, Aqmola oblysy,
Joǵary qaraı