Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda 3,7 mln tonna astyq jınaldy

2021 jyldyń 21 qyrkúıek 2021 10:15

NUR-SULTAN. QazAqparat – Aqmola oblysynda 3,7 mln tonna astyq jınaldy. Bul týraly búgin Úkimet otyrysynda atalǵan óńir ákimi Ermek Marjyqpaev aıtty, dep habarlaıdy QazAqparat tilshisi.

«Búgingi tańda astyq jáne dándi-burshaqty daqyldardy jınaý jumysy aıaqtalý satysynda. Astyq bastyrý 4,4 mln gektarda nemese 97 paıyz alqapta júrgizildi. Gektaryna 8,6 tsentner orta túsim bar. 3,7 mln tonna astyq jınaldy. Osy aptanyń sońyna deıin astyq jınaý aıaqtalady. Maıly daqyldar 85 myń gektar alqapta nemese egistik kóleminiń 32 paıyzy jınaldy. Jalpy gektarynan 6,6 tsentner ortasha túsimmen 56 tonnany qurady. Kartop pen kókónim jınaý aıaqtalyp keledi», - dedi oblys basshysy.

Onyń aıtýynsha, egin jınaý jumystary úshin óńir arzandatylǵan janarmaıdyń qajetti kólemimen qamtamasyz etildi. Sharýashylyqtardyń astyq qoımalaryn eskere otyryp, 6,5 mln tonna astyq saqtaý úshin múmkindik jasaldy. Barlyq astyq qabyldaý kásiporny jańa ónimdi qabyldaýdy júzege asyryp jatyr. Elevatorlarǵa jańa túsimniń 1,5 mln tonnadan astam astyǵy jetkizildi.

«Bıylǵy ónim sapasynyń kórsetkishi ótken jylmen salystyrǵanda aıtarlyqtaı joǵary. Astyqtyń 91 paıyzy 3-synypqa sáıkes keledi. Bul rette astyq qabyldaý kásiporyndaryna jetkizilgen astyqtyń 83 paıyzynda dánmańyzdylyǵy 30 paıyzdan joǵary. Ótken jyly bul kórsetkish 70 paıyzdy quraǵan bolatyn», - dedi Ermek Marjyqpaev.


Joǵary qaraı