Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysynda 4 myńnan astam jaıaý júrginshige aıyppul salyndy

2022 jyldyń 20 mamyr 2022 22:32

KÓKShETAÝ. QazAqparat - Aqmola oblysynda 4 myńnan astam jaıaý júrginshige aıyppul salyndy, dep habarlaıdy QazAqparat.

Aqmola oblysy polıtsııa departamentiniń málimetinshe, jyl basynan beri óńirde ÁQBtK-niń 615-baby (Jaıaý júrginshilerdiń jáne jol júrisine ózge de qatysýshylardyń jol júrisi qaǵıdalaryn buzýy) boıynsha jol qozǵalysy erejelerin buzǵan jaıaý júrginshiler men basqa da jol qozǵalysy qatysýshylaryna qatysty 4 myńnan astam hattama men 600-bap (Jaıaý júrginshilerdiń nemese jol júrisiniń ózge de qatysýshylarynyń júrýine basymdyq bermeý) boıynsha jaıaý júrginshilerge jol bermegen júrgizýshilerge qatysty 1 myńnan astam hattama toltyryldy.

«Jaıaý júrginshilerge nemese jol júrisiniń ózge de qatysýshylaryna qozǵalysta basymdylyq berilgen kólik quraldarynyń júrgizýshilerin qospaǵanda, jol bermegeni úshin 10 AEK mólsherinde aıyppul kózdelgen. Qaıta buzýshylyq 15 AEK mólsherinde aıyppul salýǵa ákep soǵady. Sonymen qatar, ákimshilik óndiristiń biryńǵaı rettiligine sáıkes, ótken kezeńde polıtsııa qyzmetkerleri mas kúıde kólik quralyn júrgizgen 600-den astam júrgizýshini anyqtady, 1053 aqmolalyq kólik júrgizý qujatynsyz júrgizip ustaldy», - dep jazdy vedomstvo.


Basty sózder: Jol, Polıtsııa, Aqmola oblysy,
Joǵary qaraı