Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda ashyq aspan astynda mýzeı uıymdastyryldy

2021 jyldyń 7 mamyr 2021 13:45

KÓKShETAÝ. QazAqparat - Kókshetaý qalasyndaǵy M.Ǵabdýllın mýzeıinde Ekinshi júnıejúzilik soǵystaǵy Jeńistiń 76 jyldyǵyna arnalǵan «Maıdangerler murasy» atty kórme ótti, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, ashyq aspan astyndaǵy kórmeni uıymdastyrýǵa Aqmola oblysy Polıtsııa departamenti, Tótenshe jaǵdaılar komıtetiniń Kókshetaý tehnıkalyq ınstıtýty, Aqmola oblystyq soty murajaılarynyń qyzmetkerleri atsalysty.

Aqmola oblysynyń Polıtsııa departamenti mýzeı qorynan eksponattardy usyndy, onyń ishinde Ekinshi dúnıejúzilik soǵys qatysýshylary Aıdarhan Báıkenov pen Ivan Emelınniń nagradalary bar nysandy kıim-keshekteri, sondaı-aq arhıvti fotoqujattar, ordender men medaldar, ataýly pıstoletter, myltyqtar, saltanatty doıbylar, qynaby bar korttar jáne taǵy basqalar bar.





Aty ańyzǵa aınalǵan 8-shi gvardııalyq Panfılov dıvızııasynyń quramynda soǵysqan QR ІІM Qurmetti qyzmetkeri Aıdarhan Báıkenovtyń marapattarynyń qatarynda І, ІІ dárejeli Otan soǵysy, ІІІ dárejeli Dańq ordenderi, sondaı-aq túrli merekelik medaldar boldy.

Otstavkadaǵy mılıtsııa polkovnıgi, soǵys ardageri Ivan Emelın Ekinshi dúnıejúzilik soǵystyń I dárejeli ordenimen, eki «Qyzyl Juldyz» ordenimen, «Za oboroný Sovetskogo Zapolıarıa», «Germanııany jeńgeni úshin» medaldarymen jáne basqa da jaýyngerlik nagradalarmen marapattaldy.

«Biz barlyq urpaq ókilderiniń aty ańyzǵa aınalǵan jerlesterimizdiń – Ekinshi dúnıejúzilik soǵys qatysýshylarynyń, onyń ishinde eki júzden astam ishki ister organdarynyń ardagerleriniń eńbegin bilgenin jáne este saqtaǵanyn qalaımyz. Bizdiń maqsatymyz-olardyń erlik taǵdyrlaryn eshqashan umytpaý», - deıdi Amantaı Ysqaqova.









Avtor Aslan Ospanov
Basty sózder: Aqmola oblysy, Jeńis kúni, Aımaq,
Joǵary qaraı