Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda aýyldardy sapaly aýyz sýmen qamtamasyz etý máselesi qalaı sheshilýde

2021 jyldyń 14 maýsym 2021 14:50

KÓKShETAÝ. QazAqparat - Aqmola oblysynda aýyldyq eldi mekenderdi sapaly aýyz sýmen qamtamasyz etý máseleleri birtindep sheshilýde.

Búgingi kúni bir ortalyqtandyrylǵan sýmen oblys halqynyń jalpy sanynyń 89,7 paıyzy qamtylǵan, dep habarlaıdy QazAqparat oblystyq ishki saıasat basqarmasynyń baspasóz qyzmetine silteme jasap.

Jaqsy aýdanynyń ákimi baspasóz qyzmetiniń málimetinshe, óńirde ótken jyly Novokıenka aýylynda sýmen jabdyqtaý júıesin jańartý jobasy iske asyryldy. Esil aýylynyń halqyn sapaly aýyz sýmen qamtamasyz etý máselesi sheshildi. Osy rette, aýdan ortalyǵy Jaqsy aýylyn sýmen qamtamasyz etý máselesi erekshe nazarda. Eki jylǵa jýyq ýaqyt boıy izdestirý-barlaý jumystary júrgizildi, sonyń nátıjesinde joba júzege asyrylýda. Aǵymdaǵy jyly uńǵymalyq sý jınaý jáne sý taratý jumystary qolǵa alyndy. Merdiger uıym retinde Kókshetaý qalasynyń «Kókshetaýgıdrogeologııa» aktsıonerlik qoǵamy anyqtaldy. Jobalardy júzege asyrý barysy týraly aýdandyq qurylys bóliminiń basshysy Dáýlet Qosshyǵulov aıtyp berdi.

«Nysandaǵy qurylys jumystary mamyr aıynyń basynda bastaldy. Búginde merdigerler eki sý tartý uńǵymasyn burǵylaý jumystaryn júrgizýde», - dedi Dáýlet Qosshyǵulov.

Sonymen qatar, Perekatnoe aýylynyń turǵyndaryn sapaly aýyz sýmen qamtamasyz etý máselesi de sheshildi.

Aıta ketý kerek, sý qubyry jelileri 1939 jyly salynǵan jáne tozyǵy jetken, aýystyrýdy qajet etedi. Jalpy, oblysta 5 jyl ishinde 107 eldi mekendi bir ortalyqtandyrylǵan sýmen qamtamasyz etý josparlanýda. 2021 jyly Aqmola oblysy boıynsha 10 eldi mekende sýmen jabdyqtaý jáne sý qubyry júıesiniń qurylysy josparlanǵan, onyń ishinde 8 joba aıaqtaldy, 2 nysandy aǵymdaǵy jyldyń 3-shi toqsanynda paıdalanýǵa berý josparlanǵan.


Joǵary qaraı