Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda bas sanıtarlyq dárigerdiń jańa qaýlysy shyqty

2021 jyldyń 17 sáýir 2021 17:05

KÓKShETAÝ. QazAqparat – Aqmola oblysy bas memlekettik sanıtarlyq dárigeri Aınagúl Mýsınanyń «Oblys aýmaǵyndaǵy karantındik shekteý sharalaryn kúsheıtý týraly» qoldanystaǵy qaýlyǵa ózgerister engizgen №16 jańa qaýlysy kúshine endi, dep habarlaıdy QazAqparat.

Jańa qaýly arqyly «Ashyq» pılottyq jobasyna qatysatyn Kókshetaý jáne Stepnogorsk qalalarynyń birqatar nysandarynyń jumysyna ruqsat etiledi.

Osylaısha, qujatta «Ashyq» jobasyna qatysatyn Kókshetaý jáne Stepnogorsk qalalaryndaǵy nysandardy qospaǵanda, kompıýterlik klýbtardyń, boýlıng-klýbtardyń, kınoteatrlardyń, teatrlardyń, kontsert zaldarynyń qyzmetin toqtata turý kózdelgen. Bılıard zaldarynyń qyzmeti de toqtatylady. Biraq 2021 jyldyń 21 sáýirinen bastap, Kókshetaý jáne Stepnogorsk qalalarynda ornalasqan jáne «Ashyq» jobasyna qatysatyn bılıard qyzmetine ruqsat etilgen.

Oblys óńirlerinde karaoke qyzmeti de toqtatylady. 2021 jylǵy 5 mamyrdan bastap «Ashyq» jobasyna qatysatyn Kókshetaý jáne Stepnogorsk qalalarynda ornalasqan karaoke qyzmetine ruqsat etiledi. 2021 jylǵy 21 sáýirden bastap «Ashyq» jobasyna qatysatyn Kókshetaý jáne Stepnogorsk qalalaryn qospaǵanda, oblysaralyq jáne qalalyq turaqty emes (týrıstik) tasymaldardyń qozǵalysy da toqtatyldy.

Qaýlynyń tolyq mátinin myna siltemeden oqýǵa bolady.



Joǵary qaraı