Aýa raıy
Astana -13 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda koronavırýs juqtyrýdyń 100 faktisi tirkelmeı qalǵan - ákim

2020 jyldyń 27 qarasha 2020 14:21

NUR-SULTAN. QazAqparat – Aqmola oblysynda koronavırýsqa shaldyǵýdyń 100 jaǵdaıy jalpy statıstıkaǵa enbeı qalǵan. Bul týraly óńir ákimi Ermek Marjyqpaev aıtty dep habarlaıdy QazAqparat tilshisi.

Onyń aıtýynsha, oblys koronavırýs boıynsha «qyzyl aımaqqa» endi. Táýliktik ósim orta eseppen 65-70 adamǵa jetip otyr.

Prezıdenttiń synyna toqtalǵan ákim «shyn máninde bizdiń oblystaǵy sanıtarlyq-epıdemıologııalyq mekemeniń shtaty tek 12 adamnan quralǵan. Jappaı indetke shaldyǵý bolǵan jaǵdaıda málimetterdi zerdeleý sharalaryna mamandar úlgermeıdi. 100-ge tarta oqıǵany tirkep úlgermegen. Prezıdenttiń syny obektıvti, durys dep sanaımyz. Sondyqtan statıstıka durys túzilýi úshin qajetti sharalardy qabyldadyq», - dedi.

Osy oraıda atalǵan 100 oqıǵa resmı statıstıkaǵa engenin naqtylady.

Eske sala keteıik, koronavırýs indetiniń taralýyna qarsy is-qımyl jónindegi keńeste Prezıdent Qasym-Jomart Toqaev keı óńirlerde koronavırýs juqtyrý faktilerin jasyrý jaǵdaılary kezdeskenin aıtty.

«Birqatar oblystarda koronavırýs indetine qatysty jańa jaǵdaılardy jasyrý derekteri anyqtaldy. Áńgime Shyǵys Qazaqstan, Soltústik Qazaqstan, Pavlodar, Aqmola, Qostanaı jáne basqa da oblystar jaıynda bolyp otyr. Ótirikti shyndaı sóıletý asa qaýipti qubylys ekenin túsiný kerek. Óıtkeni ol shynaıy qaýiptiń betin búrkemeleıdi. Sondaı-aq búkil elimiz boıynsha koronavırýs indetine qarsy júrgizilip jatqan kúres strategııasyna zııanyn tıgizedi. Qazirgi ahýal jete baǵalanbaı, qabyldanǵan sharalar tolyq júzege asyrylmaı otyr. Halyqtyń indetten saqtaný deńgeıi tómendep ketken. Bul – aksıoma. Mundaı jaǵdaı álemniń kóptegen elinde baıqalýda. Atalǵan problemanyń bizdiń densaýlyq saqtaý júıemizde de sozylmaly sıpat alǵanyn moıyndaýymyz kerek», – dedi Qasym-Jomart Toqaev.


Joǵary qaraı