Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda koronavırýspen aýyrǵan balalardy shıpajaıda saýyqtyrý qarastyrylǵan

2020 jyldyń 21 qazan 2020 20:40

KÓKShETAÝ. QazAqparat - Aqmola oblysynyń shalǵaı aýdandarynda koronavırýspen aýyrǵan balalarǵa turǵylyqty jeri boıynsha kómek kórsetiledi. Eger qajet bolǵan jaǵdaıda naýqas balalar Aqmola oblystyq kópbeıindi balalar aýrýhanasyna medıtsınalyq uıymnyń avtokóligimen tasymaldanady. Bul týraly oblystyq kópeıindi balalar aýrýhanasynyń bas dárigeri Elena Ivanova aıtty, dep habarlaıdy QazAqparat tilshisi.

Bas dárigerdiń aıtýynsha, qaýipti indettiń ekinshi tolqynyna ázirlený maqsatynda Aqmola oblystyq kópbeıindi balalar aýrýhanasynda koronavırýs juqtyrýy múmkin balalarǵa arnalǵan arnaıy juqpaly aýrýlar statsıonary jumys isteıdi.

«Qazirgi zamanǵa saı jabdyqtalǵan stantsıonardyń materıaldyq-tehıkalyq bazasy talapqa saı, kadr jetkilikti, ıntensıvti terapııa, ókpege dıagnostıka jasaıtyn jabdyqtarmen qamtamasyz etilgen. Qaýpti toptaǵy balalar da osynda jatqyzylatyn bolady. Stantsıonarda 15 kerýet, 2 jansaqtaý kerýeti bar. Budan bólek 57 pýlsoksımetr, 12 ottegi kontsentraty, 1 ókpeni jasandy jeldetkish apparaty sııaqty qajetti preparattar men dári-dármek qory jasalǵan», - dedi jýrnalıstermen ótken brıfıngte Elena Ivanova.

Ol atap ótkendeı, óńirde balalardyń arasynda koronavırýs ınfektsııasynyń taralýyn aldyn alý jáne juqtyrǵan kezde emdeý boıynsha tıisti sharalar qarastyrylyp otyr.

«Oblystyń shalǵaı aýdandarynda koronavırýspen aýyrǵan balalarǵa turǵylyqty jeri boıynsha kómek kórsetiledi. Al, qajet bolǵan jaǵdaıda naýqas balalar Aqmola oblystyq balalar aýrýhanasyna medıtsınalyq uıymnyń esebinen avtokólikpen tasymaldanady. Koronavırýspen aýyrǵan balalar aldymen medıtsınalyq mekemeniń qabyrǵasynda em qabyldaıdy. Keıin shıpajaıda saýyqtyrýdan ótedi», - dep tolyqtyrdy bas dáriger.


Avtor Aslan Ospanov
Basty sózder: Koronavırýs, Aqmola oblysy, Aımaq,
Joǵary qaraı