Aýa raıy
Astana 10 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda qus tumaýynyń aldyn alý sharalary júrgizilip jatyr

2020 jyldyń 18 qyrkúıek 2020 20:15

KÓKShETAÝ. QazAqparat - Aqmola oblysy aýmaǵynda qus tumaýynyń aldyn alý jáne taralýyna jol bermeý maqsatynda keshendi sharalar júrgizilýde, dep habarlaıdy QazAqparat tilshisi oblystyq ishki saıasat basqarmasyna silteme jasap.

Ulttyq referent ortalyǵy qustardyń ólimine joǵary patogendi qus tumaýy sebep bolǵanyn anyqtady. Osyǵan oraı, Aqmola oblysynyń veterınarlyq qyzmeti oblys aýmaǵyndaǵy jaǵdaıdy baqylaýǵa aldy.

«Óńirdiń veterınarlyq qyzmeti vedomstvonyń quzyretti organdary aýmaqtyq bólimshesi jáne aýdan ákimdikterimen birlesip, oblys aýmaǵyndaǵy qustardy zertteý sharalaryn, turǵyndar arasynda úı qustaryn oqshaýlap ustaý týraly túsindirý jumystaryn qolǵa aldy», - deıdi vedomstvodan.

Sonymen birge, qaýipti aımaqtardaǵy qustardy ımmýndaý úshin oblystyq veterınarııa basqarmasy QR Aýyl sharýashylyǵy mınıstrligine 510,3 myń mólsherde qajetti ekpege ótinish joldap otyr.

«Oblys aýmaǵynda qus tumaýyn boldyrmaý maqsatynda Aqmola oblystyq veterınarııa basqarmasy sýbektiniń barlyq túrinen qustyń jappaı ólýi nemese belgileri baıqalsa, dereý veterınarlyq qyzmetke habarlasýyn suraıdy. Veterınar mamandar, memlekettik veterınarlyq-sanıtarlyq ınspektorlar kelgenshe qus tumaýyna kúdikti qustardy oqshaýlaý qajet» dep tolyqtyrdy vedomstvodan.

Eske sala keteıik, biz buǵan deıin SQO-nyń 7 aýdanynda qus tumaýynyń oshaǵy anyqtalǵanyn, qus tumaýynyń beleń alýyna baılanysty 10 eldimekenniń karantınge jabylǵanyn aıtqan edik.

Osyǵan baılanysty SQO-da úı qustaryna qus tumaýyna qarsy vaktsına egiletin boldy. Sondaı-aq Aýyl sharýashylyǵy mınıstrligi SQO-da qus tumaýynan qyrylǵan úı janýarlary úshin ótemaqy tólenetinin habarlady.


Joǵary qaraı