Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda «Memlekettik til – meniń tilim» baıqaýynyń júldegerleri anyqtaldy

2021 jyldyń 23 qyrkúıek 2021 21:42

KÓKShETAÝ. QazAqparat - Aqmola oblystyq bilim basqarmasynyń «Aqmola daryny» daryndy balalar men talantty jastardy anyqtaý jáne qoldaý ortalyǵy Tilder kúniniń aıasynda ulty qazaq emes 14 jastaǵy oqýshylar arasynda «Memlekettik til – meniń tilim» atty oblystyq onlaın baıqaýyn ótkizdi, dep habarlaıdy QazAqparat tilshisi.

Oblystyq bilim basqarmasynyń málimetinshe, baıqaý memlekettik tildiń máretebesin kóterý, talantty jastardy anyqtaý jáne óz elin, Otanyn, týǵan halqynyń tili men salt-dástúrin qasterleıtin sanaly da parasatty azamattardy tárbıeleýge baǵyttalǵan. Oǵan Aqmola oblysynyń 11 aýdany jáne Kókshetaý, Stepnogorsk qalalarynan 14 oqýshy qatysty.

Baıqaý tórt kezeńnen turdy. «Kel, tanysaıyq» dep atalatyn birinshi kezeńde ár qatysýshy ózin-ózi tanystyryp ketti. «Aqyl kórki – til, tildiń kórki - sóz» dep atalatyn ekinshi kezeńde qatysýshylar mátindi mazmundap, sóıleý máneri men oıdy ushqyr jetkizý qabiletterin kórsetti. «Men ómirdi jyrlaý úshin kelgenmin...» atty úshinshi kezeńde qatysýshylar M.Maqataevtyń 90-jyldyǵyna oraı aqynnyń lırıkalyq óleńderin, dastandarynan úzindiler jatqa oqyp berdi. «Saýatty bolaıyq!» atty tórtinshi kezeńde qatysýshylar kóshe jarnamalaryndaǵy qate jazylǵan sózderdi taldady.




Oqýshylardyń tildi meńgerý deńgeıin Sh.Ýálıhanov atyndaǵy Kókshetaý ýnıversıteti men J.Mýsın atyndaǵy qazaq joǵary pedagogıkalyq kolledjderiniń mamandary baǵalady.

Jeńimpazdar Aqmola oblysy bilim basqarmasynyń dıplomdarymen jáne baǵaly syılyqtarymen, al jetekshileri alǵys hattarmen marapattalady. Qatysýshylarǵa qatysqany úshin sertıfıkattar tabystalady.








Avtor Aslan Ospanov
Basty sózder: Aqmola oblysy, Bilim, Til,
Joǵary qaraı