Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda múmkindigi shekteýli jandardy qoldaý kórsetkishi joǵary

2021 jyldyń 4 jeltoqsan 2021 04:48

KÓKShETAÝ. QazAqparat - Aqmola oblysynyń ákimi Ermek Marjyqpaev erekshe qajettilikteri bar tulǵalarmen kezdesti, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Aımaq basshysy múmkindigi shekteýli jandardyń quqyqtaryn qamtamasyz etý jáne ómir súrý sapasyn jaqsartý, ınklıýzıvti bilim berýdi engizý, kedergisiz orta qurý boıynsha ulttyq jospardy júzege asyrý týraly aıtty.

«Múmkindigi shekteýli jandar sporttyq ómirge belsendi qatysady, aralarynda respýblıkalyq jáne halyqaralyq jarystardyń júldegerleri bar. Jerlesimiz Davıd Degtıarev Tokıoda ótken Jazǵy Paralımpıada oıyndarynda paýerlıftıngten jeńiske jetip naǵyz sensatsııa jasady, ol el quramasynyń qorjynyna jalǵyz altyn medaldi saldy. Jaqynda ǵana ol Tbılısıde álem chempıony atandy. Bul barlyq qazaqstandyqtar úshin mańyzdy jeńis», - dep atap ótti Ermek Marjyqpaev.

Osy rette, oblys ákiminiń keńesshisi Vasılıı Shımanskıı mundaı kezdesýler múmkindigi shekteýli adamdardyń túıtkildi máselelerin jedel sheshýge kómektesetinin, qoǵamdyq birlestikter usynǵan barlyq jobalardy oblys basshylyǵy tarapynan qoldaý tabatyndyǵyna senim bildirdi.

Aımaq basshysy erekshe qajettilikteri bar adamdardyń múddesin qorǵap júrgen úkimettik emes uıymdardyń ókilderine alǵys bildirip, olarǵa alǵys hattar tabys etti.

Marapattalǵandardyń arasynda oblys ákiminiń keńesshisi, «Shans» múgedekterdi ońaltý ortalyǵynyń tóraǵasy V.Shımanskıı, paralımpıadalyq sport túrleri boıynsha oblys quramasynyń múshesi A.Nurbekov, «Birlik» Aqmola oblysynyń múgedekter odaǵy» zańdy tulǵalar birlestiginiń tóraǵasy R. Muqataev, Chernobyl AES múgedekter men qatysýshylarynyń qoǵamdyq uıymy Aqkól fılıalynyń tóraǵasy, múgedekter erikti qoǵamy Aqkól fılıalynyń tóraǵasy V. Drozdov bar.

Kezdesýge qatysýshylar jaýyngerlik óner qaýymdastyǵynyń oblystyq fılıalynyń qamqorlyǵymen ashylǵan múmkindigi shekteýli jandarǵa arnalǵan «Daryn» sport keshenine bardy.


Joǵary qaraı