Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda ótken jyly aýyl sharýashylyǵy boıynsha 40 joba iske asyryldy

2021 jyldyń 20 qańtar 2021 12:14

KÓKShETAÝ. QazAqparat - Aqmola óńiri Qazaqstannyń eń iri agroónerkásiptik kesheni jáne oblys eldiń azyq-túlik qaýipsizdigin qamtamasyz etýge eleýli úles qosyp keledi. Ótken jyldyń qorytyndysy boıynsha aýyl sharýashylyǵynda 12,8 paıyz turaqty ósim qamtamasyz etildi.

Bul 10 jyl ishindegi saladaǵy eń úzdik kórsetkish, dep habarlaıdy QazAqparat oblystyq ishki saıasat basqarmasynyń baspasóz qyzmetine silteme jasap.

Egis naýqany kezindegi qatań karantınge, sondaı-aq, aýa-raıynyń qolaısyz bolýyna qaramastan, óńir dıqandary ár gektardan ortasha 11,8 tsentnerden alǵanda 5,2 mıllıon tonna astyq jınady. Bul respýblıka boıynsha jınalǵan astyqtyń tórtten bir bóligin qurady.

Oblystyq aýyl sharýashylyǵy basqarmasynyń málimetinshe, astyq óndirisiniń jalpy kólemine Arshaly aýdanyndaǵy «Kamenka ı D», «Svobodnoe» jáne «Beloıarka 2019» seriktestikteri tárizdi birqatar kásiporyn eleýli úles qosty.

Ótken jyldyń 11 aıynda oblystyń aýyl sharýashylyǵyna salynǵan ınvestıtsııalardyń kólemi 53 mıllıard teńgeden asty. Bul aldyńǵy jyldyń deńgeıimen salystyrǵanda 10,3 paıyzǵa joǵary. Onyń ishinde 34 mıllıard teńgesi aýyl sharýashylyǵy qurylymdarynyń jeke qarajaty. Jańa jobalarǵa ınvestıtsııa salý, ósý jáne damý jaǵynan alǵanda sharýalarǵa eki ese tıimdi bolyp otyr. Óıtkeni, memleket ınvestıtsııalyq shyǵyndardy ishinara óteıdi. Agroónerkásip kesheni sýbektileriniń aýyl sharýashylyǵy ónimderin óńdeýi men ınvestıtsııalyq salymdardy sýbsıdııalaý úshin 13 mıllıard teńgeden astam qarjy bólindi. Ótken jyly memlekettik qoldaýdyń arqasynda 40 joba iske asyryldy, olardyń aıasynda bordaqylaý alańdary men asyl tuqymdy mal fermalary, sút-taýar fermalary, qus fabrıkalary, astyq jáne kókónis qoımalary, qaıta óńdeý kásiporyndary, balyq ósirý fermalary salyndy, sýarý júıesi engizildi.

«Sýbsıdııalaý jáne nesıe berý tetikterin jetildirý esebinen mal sharýashylyǵyn damytýǵa jaǵdaı jasaý úshin sharalar qabyldandy. Otandyq asyl tuqymdy sharýashylyqtardan on myńǵa iri qara satyp alý arqyly 97 et jáne 18 sút-taýar fermasy quryldy. Nátıjesinde, búgingi tańda oblystaǵy 12,5 myń iri qarasy bar 56 mamandandyrylǵan kásiporyn sút óndirýmen aınalysyp otyr. Іri qara maldy bir mezgilde ustaý úshin bordaqylaý alańdarynyń qýaty 36,5 myń basqa jetti», - deıdi oblystyq aýyl sharýashylyǵy basqarmasynyń basshysy Dımash Talasbaev.

Osy jáne basqa sharalar pandemııa kezinde ishki azyq-túlik óndirisin ulǵaıtýǵa jáne qajettilikterdiń kóp bóligin jabýǵa múmkindik berdi. 2020 jyly óńdelgen et óndirisi 56,5 myń tonnaǵa, sút ónimderi 94,9 myń tonnaǵa jáne un 309,7 myń tonnaǵa artty. Aýyl sharýashylyǵy ónimderi óndirisiniń jyl saıynǵy ósýiniń arqasynda oblys Nur-Cultan qalasyn unmen, jumyrtqamen jáne kartoppen, sondaı-aq, 1/3 et jáne sút ónimderimen 100 paıyzǵa qamtamasyz etip otyr.


Joǵary qaraı