Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda ruqsat etilmegen 624 qoqys orny anyqtalǵan

2021 jyldyń 20 tamyz 2021 19:08

KÓKShETAÝ. QazAqparat – Aqmola oblysynda qatty turmystyq qaldyqtar jınalǵan 624 qoqys orny anyqtalǵan. Búngi kúni onyń teń jartysynan astamy joıyldy. Bul týraly Kókshetaý qalasynyń mańynda ruqsat etilmegen qoqys oryndaryn joıý maqsatynda Aqmola oblysy boıynsha ekologııa departamenti uıymdastyrǵan baspasóz týry barysynda aıtyldy, dep habarlaıdy QazAqparat tilshisi.

Qazirgi ýaqytta oblys aýmaǵynda qatty turmystyq qaldyq tógilgen 130 úıindi anyqtalyp otyr (jer aktileri bar), onyń 24-de ǵana qoldanystaǵy zańnamaǵa sáıkes keletin ruqsat qujattary bar.

«Búgingi kúnge oblysymyzdaǵy 10 aýdan, ıaǵnı Býrabaı, Zerendi, Bulandy, Qorǵaljyn, Tselınograd, Aqkól, Arshaly, Egindikól, Astrahan jáne Birjan sal aýdandarynyń ortalyqtarynda zańdastyrylǵan polıgon joq. Zańdastyrylǵan qatty turmystyq qaldyqtar polıgonynyń bolmaýy ruqsat etilmegen qoqys oryndarynyń qalyptasýyna ákep soǵýda. Júrgizilgen jumystardyń nátıjeleri boıynsha 2021 jyly ǵaryshtan túsirilgen sýretter negizinde Aqmola oblysynda 624 ruqsat etilmegen qoqys oryndary anyqtaldy. Naqtyraq alsaq, Kókshetaýda-147, Stepnogorde-51, Zerendi aýdanynda-67, Tselınograd aýdanynda-294, Arshaly aýdanynda-13, Aqkól aýdanynda-22, Shortandy aýdanynda-34, Birjan sal aýdanynda-4 qoqys oryndary anyqtalyp, onyń ishinde 364 nemese 58 paıyzy joıyldy»,- dedi departamenttiń bas mamany Kúlásh Raqymova.




Departament mamandary atap ótkendeı, qazirgi kezde oblysta óndiristik jáne turmystyq qaldyqtardy suryptaý jáne qaıta óńdeý jónindegi ınfraqurylym nashar damyp otyr. Óńirde qatty turmystyq qaldyqtardy jekelep jınaýmen aınalysatyn 4 kásiporyn ǵana bar.

Jalpy, Aqmola oblysy boıynsha 2020 jyly qatty turmystyq qaldyqtardyń qalyptasý kólemi 243 myń tonnany qurady, 2021 jyldyń 6 aıynda 124 tyń tonnasy jınaldy. Degenmen de qaıta óńdeý kólemi 3 paıyzdy qurap otyr.

Baspasóz týry barysynda Kókshetaý qalasy aýmaǵyndaǵy zańsyz jınalǵan qoqys oryndary anyqtalyp, quzyrly organdarǵa ony joıý týraly nusqaý berildi.

Eske sala ketsek, Aqmola oblysynyń ýche, Aqkól qalalarynda, Qorǵaljyn men Arshalyda, Qosshyda, Koıandy men Zerendide qatty turmystyq qaldyqtar jınaıtyn jeti palıgon salý josparlanǵan. Sonymen birge, Kókshetaý qalasynda qoqysty suryptaýmen turmystyq qaldyqtardyń jańa polıgonyn salý boıynsha jańa joba ázirlendi. Qazirgi kezde onyń qujattaryn rásimdeý jumysy atqarylyp jatyr.






Joǵary qaraı