Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda sibir eligin atyp alǵan brakoner ustaldy

2020 jyldyń 23 qarasha 2020 22:32

KÓKShETAÝ. QazAqparat – Aqmola oblysynyń tabıǵatty qorǵaý polıtsııasynyń qyzmetkerleri sibir eligin atyp alǵan brakonerdi ustady, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, «Ulan-Kamenka» avtokólik jolynyń boıynda 52 jastaǵy jergilikti turǵynnyń avtokóligin tekserý kezinde kóliktiń júk salǵyshynan sibir eliginiń eti tabyldy. Tergeý barysynda er adam elikti ańshylyq, qosaýyz myltyqpen atyp alǵany anyqtaldy. Onyń myltyqty saqtaý jáne tasymaldaýǵa ruqsaty bolmaǵan.

«Osyǵan baılanysty er adamnyń ústinen Qylmystyq kodekstiń 337 baby «zańsyz ańshylyq» boıynsha is qozǵalyp, tergeý amaldary júrgizilýde. Sonymen birge, sot-balıstıkalyq, sot-krımınaldy saraptama taǵaıyndaldy», - deıdi vedomstvodan.

Atalǵan sanktsııa boıynsha zańsyz ańshylyqpen aınalysqanǵa 3000 aılyqqa deıingi eseptik kórsetkish mólsherinde aıyppul nemese 800 saǵatqa deıin qoǵamdyq jumystarǵa tartý, al, brakonerlerge 3 jyl bas bostandyǵynan aıyrý jazasy qarastyrylǵan.


Avtor Aslan Ospanov
Basty sózder: Aqmola oblysy, Brakoner,
Joǵary qaraı