Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda til janashyrlary marapattaldy

2021 jyldyń 17 qyrkúıek 2021 19:29

KÓKShETAÝ. QazAqparat – Aqmola oblysynda tilder onkúndiginiń jabylýyna oraı saltanatty shara ótip, birqatar til janashyrlary Aqmola oblysy ákiminiń Alǵys hatymen marapattaldy, dep habarlaıdy QazAqparat tilshisi.

Oblys ortalyǵyndaǵy «Kókshetaý» mádenıet saraıynda uıymdastyrylǵan sharada quttyqtaý sóz sóılegen aımaq basshysynyń orynbasary Aına Mysyrálimova sharanyń mańyzyna toqtala kele, óńirde memlekettik tildi damytýǵa mol múmkindikter qarastyrylyp otyrǵanyn tilge tıek etti.

«Til – ultymyzdyń uly qazynasy, halqymyzdyń rýhanı qýatynyń negizi. Ǵasyrlar boıy talaı qıyndyqty bastan keshirgen halqymyzdyń óz qasıetin joǵaltpaı, ulttyq bolmysyn saqtap qalýyna tilimiz tirek boldy. Ata-babamyzdan mura bolyp qalǵan baı da, kórkem ana tilimizdi bolashaq urpaqqa amanat etip qaldyrý bizdiń qasıetti boryshymyz», - deı kele, oblys ákiminiń orynbasary búginde óńir turǵyndarynyń 76 paıyzy qazaq tilin meńgergenin, 5,1 paıyzy úsh tilde erkin sóıleı alatynyn atap ótti.

Aına Mysyrálimovanyń aıtýynsha, oblysta qazaq tilinde oqytatyn 155 mektepte 63 myńnan astam oqýshy jáne 270 balabaqshada 20 myńnan astam búldirshin qazaq tilinde bilim alyp, tárbıelenýde. Sonymen birge, óńirde qazaq tilinde bilim beretin 2 kolledj jumys isteıdi. 2003 jyldan beri iske kirisken memlekettik tildi oqytý ortalyqtarynda 35 myńnan astam tyńdaýshy qazaq tilin oqyǵan. Oblystyq telearnanyń 70 paıyz baǵdarlamasy qazaq tilinde júrgiziledi.

Shara sońynda óńirdiń qoǵamdyq ómirinde belsendilik tanytyp, tildiń damýyna súbeli úles qosyp júrgen birqatar til janashyrlary men oblystyq onlaın baıqaýynyń júldegerleri Aqmola oblysy ákiminiń Alǵys haty jáne arnaıy dıplommen marapattaldy.


Avtor Aslan Ospanov
Basty sózder: Aqmola oblysy, Mádenıet,
Joǵary qaraı