Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda týrızm salasynyń qyzmetkerleri marapattaldy

2021 jyldyń 25 qyrkúıek 2021 06:24

KÓKShETAÝ. QazAqparat - Kókshetaýda «Aqmola oblysyndaǵy týrızmniń qoǵamdyq onkúndigi – 2021» aıasynda Dúnıejúzilik týrızm kúnine arnalǵan saltanatty shara ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Sharaǵa óńirdiń týrıstik salasynyń basshylary, qoǵam qaıratkerleri, týrızm salasyndaǵy memlekettik jáne jeke uıymdardyń basshylary, blogerler, BAQ ókilderi men jýrnalıster qatysty.

Jınalǵandardy oblys ákimniń orynbasary Qanat Ydyrysov jáne «Kazakh Torism» ulttyq kompanııasy basqarma tóraǵasynyń orynbasary Qaırat Sádýaqasov quttyqtady.

Shara barysynda týrıstik jáne qonaq úı salasynyń belsendi qyzmetshileri QR Mádenıet jáne sport mınıstrliginiń memlekettik nagradalarymen, sondaı-aq óńir basshylyǵynyń Qurmet gramotalarymen saltanatty túrde marapattaldy.

Merekelik baǵdarlamany Aqmola oblysynyń týrızm salasyndaǵy jetistikteri týraly kórme stendteri, ólkemizdiń týrıstik áleýeti týraly ımıdjdik rolıkterdiń beıne kórsetilimi, jarqyn kontserttik qoıylymdar men Kókshetaý qalasynyń tarıhı-ólketaný murajaıyna ekskýrsııa tolyqtyrdy.





Joǵary qaraı