Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda ury saýsaq izi arqyly tabyldy

2021 jyldyń 10 qazan 2021 03:04

KÓKShETAÝ. QazAqparat - Aqmolada ury saýsaq izi arqyly tabyldy, dep habarlaıdy QazAqparat.

Oblystyq PD baspasóz qyzmeti málim etkendeı, 18 qyrkúıek kúni Kókshetaý qalasy polıtsııa basqarmasynyń kezekshi bólimine oblys ortalyǵynyń 60 jastaǵy turǵynynan ótinish kelip tústi.

Aryzdanýshy belgisiz bireýler azyq-túlik dúkenindegi terezeni syndyryp, halyq tutynatyn taýarlar men jalpy somasy 25 myń teńge aqsha qarajatyn urlaǵanyn habarlady.

Oqıǵa ornyna dereý jedel-tergeý toby shyqty, onyń quramyna kınologtar men krımınalıster kirdi.

Jedel-krımınalıstıkalyq basqarma qyzmetkerleri oqıǵa ornynan 10 qol izin tárkiledi.

Daktıloskopııalyq aqparatty zertteý negizinde kúdikti anyqtaldy. Ol 27 jastaǵy jergilikti turǵyn bolyp shyqty.

Qazirgi ýaqytta atalǵan fakti boıynsha QR QK 188-babymen (urlyq) sotqa deıingi tergeý bastaldy.

Aıta ketý kerek, aǵymdaǵy jyldyń toǵyz aıynda Aqmola oblysy PD Jedel-krımınalıstıkalyq basqarmasynyń krımınalısteriniń mamandary oqıǵa ornynda 2 myńnan astam tekserý júrgizdi.

Onyń nátıjesi boıynsha kúdiktilerdiń 213 qylmys boıynsha «saýsaq izi» anyqtaldy.


Joǵary qaraı