Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda jańa sport nysandary salynyp jatyr

2020 jyldyń 4 jeltoqsan 2020 03:10

KÓKShETAÝ. QazAqparat - Jergilikti bıliktiń basty jumysynyń biri – buqaralyq jáne balalar men jasóspirimder sportyn damytý. Óńirde jyl saıyn sala ınfraqurylymy qazirgi zamanǵy jańa sport nysandarymen tolyǵýda, dep habarlaıdy QazAqparat tilshisi oblystyq ishki saıasat basqarmasyna silteme jasap.

Vedomstvonyń málimetinshe, bıyl Arshaly kenti men Stepnıak qalasynda zamanaýı dene shynyqtyrý jáne saýyqtyrý kesheni paıdalanýǵa berildi. Osyndaı nysandardyń qurylysy Ereımentaý, Esil jáne Tselınograd aýdandarynda da júrgizilip jatyr.

Budan bólek, fýtbol, basketbol jáne voleıbol alańdary, jattyǵý jáne kúres zaldary, júzý basseıni salynýda. Sońǵy eki nysannyń qurylysy «Aýyl – el besigi» baǵdarlamasy sheńberinde júzege asyrylýda.

Qurylys jumystary keler jyly da jalǵasatyn bolady. Onyń birin Tselınograd aýdanynyń Qosshy aýylynda salý josparlanǵan. Al, ýche qalasynda turǵyndar túrli sport túrlerimen aınalysatyn, oqý- jattyǵý sharalaryn, sport úıirmeleri men jarystar ótkizetin kópbeıindi sport saraıyn salý josparlanǵan.

Osyndaı jańa jobalardy júzege asyrý arqyly jaqyn ýaqytta oblysta qazirgi zamańǵy 14 sport kesheni jumysyn bastaıdy.

Úlken ǵımarattarmen birge, bıznes-qurylymdardyń qatysýymen qala jáne aýyldarda sońǵy úsh jylda júzden astam zamanýı sport jáne oıyn alańdary, ásirese jaspirimder men balalar arasynda qyzǵýshylyq joǵary vorkaýt alańdary paıdalanýǵa berildi.

Aldaǵy ýaqytta barlyq aýdanda qazirgi zamańǵy sport nysandary salynyp, turǵyndardyń sport nysandaryna qoljetimdiligi arta túsedi. Qazirdiń tańda aqmolalyqtardyń 30 paıyzdan astamy salaýatty ómir saltyn ustanady.


Avtor Aslan Ospanov
Basty sózder: Aqmola oblysy, Sport, Qurylys,
Joǵary qaraı