Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda jas ónertapqyshtar marapattaldy

2021 jyldyń 22 qyrkúıek 2021 19:22

KÓKShETAÝ. QazAqparat - El Táýelsizdiginiń 30 jyldyǵyna oraı «Aqmola daryny» daryndy balalar men talantty jastardy anyqtaý jáne qoldaý ortalyǵynyń uıymdastyrýymen oqýshylar arasynda «Uly ónertapqyshtyqqa alǵashqy qadam» atty oblystyq ınnovatsııalyq ıdeıalar onlaın-baıqaýy ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Baıqaý bilim alýshylardy ǵylym men tehnıkanyń ártúrli salalarynda zertteý, ónertapqyshtyq qyzmetke tartý jáne daryndy balalardy qoldaý maqsatynda ótkizildi.

«Baıqaýǵa oblystyń ár aýdanynan jáne Kókshetaý qalasynan 13-17 jas aralyǵyndaǵy 22 oqýshy qatysty. Oqýshylar 9 atalym boıynsha jumystaryn usyndy. Bul - avtokólik, ónerkásip, kosmonavtıka jáne aerokosmos, jylý energetıkasy, avıatsııa, qurylys tárizdi salalardaǵy qoldanystaǵy úlgilerdi ázirleý salasyndaǵy tehnıkalyq qurastyrý jobalary», - dedi uıymdastyrýshylar.

Jas ónertapqyshtardyń jumysyn Shoqan Ýálıhanov atyndaǵy Kókshetaý ýnıversıteti men Kókshetaý qurylys-tehnologııalyq kolledjiniń professorlyq-oqytýshylyq quramynan jasaqtalǵan qazylar baǵalady.

Baıqaý qorytyndysy boıynsha Arshaly, Býrabaı, Shortandy, Tselınograd, Zerendi aýdandary men Kókshetaý qalasynyń oqýshylary úzdik atandy.

Jeńimpazdar men júldegerler dıplomdarmen, al jetekshileri Alǵys hattarmen marapattalady.

Aıta keteıik, birinshi oryn alǵan oqýshylar qazan aıynyń sońynda ótetin respýblıkalyq baıqaýda Aqmola oblysynyń atynan qatysatyn bolady.


Avtor Aslan Ospanov
Basty sózder: Aqmola oblysy, Mádenıet,
Joǵary qaraı