Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda jasóspirimder órtegen terek mamyǵynyń kesirinen avtobýs parki otqa orandy

2021 jyldyń 10 maýsym 2021 12:56

KÓKShETAÝ. QazAqparat - Aqmola oblysynyń Atbasar aýdanynda jasóspirimderdiń terek mamyǵyn jaǵyp oınaýy saldarynan avtobýs parkiniń jabyq turaǵy órtendi, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, Atbasar APB kezekshi bólimine jergilikti kólik kásiporny dırektorynan avtobýs parkiniń jabyq turaǵynyń órtengeni týraly aryz tústi. Shyǵyn somasy 3 mıllıon teńge kóleminde baǵalandy.

«Oqıǵa ornyna kelgen polıtsııa qyzmetkerleri 16 jáne 17 jastaǵy eki jasóspirimniń terek mamyǵyn tutatýy kesirinen kásiporyn qorshaýynyń bir bóligi órtengenin anyqtady. Qorshaýdan shyqqan órt keıinnen avtobýs parkiniń turaǵynyń tóbesine jaıyldy», - dep túsindirdi vedomstvodan.

Osyǵan baılanysty Qylmystyq kodekstiń 204 baby 2-shi bóligi «bóten múlikti abaısyzda joıý nemese búldirý» boıynsha sotqa deıingi tergeý sharalary júrgizilýde.

Osy rette, tártip saqshylary ata-analardy balalaryna baqylaýdy kúsheıtýge jáne jazǵy demalys kezinde olardyń bos ýaqytyn tıimdi ótkizýge shaqyrady.


Avtor Aslan Ospanov
Basty sózder: Aqmola oblysy, Oqıǵa, QR ІІM, Kólik,
Joǵary qaraı