Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda jergilikti turǵyndy atyp ketken malshy ustaldy

2021 jyldyń 13 qazan 2021 21:41

KÓKShETAÝ. QazAqparat - Aqmola oblysy Birjan sal aýdanynyń turǵynyn óltirýge oqtalǵan kúdiktini ustaldy, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, aǵymdaǵy jylǵy qazannyń 9-ynda Birjan sal aýdandyq PB kezekshi bólimine jylqy sharýashylyǵymen aınalysatyn jergilikti JShS-niń 55 jastaǵy dırektory habarlasyp, sharýashylyq aýmaǵynda qylmys jasalǵanyn aıtqan.

«Anyqtalǵandaı, atalmysh seriktestik aýmaǵynda 56 jastaǵy jergilikti turǵynǵa myltyqtan oq atqan. Ol «oń aıaǵynyń jambas tusynda, sol qolynyń shybyq tusynda oq jaraqaty» dıagnozymen aýdandyq aýrýhanaǵa jatqyzyldy»,- dedi vedomstvodan.




Tergeý barysynda polıtseıler kúdiktiniń jeke basyn anyqtady, ol osy sharýashylyqtyń malshysy, birneshe ret qylmystyq jaýapkershilikke tartylǵan, ishki ister organynda esepte turǵan 26 jastaǵy Jambyl oblysynyń turǵyny bolyp shyqty. Kúdikti qylmys jasalǵan jerden qashyp, jol-jónekeı avtokólikterge otyryp Tselınograd aýdanynyń Talapker jetedi. Keıin jaıaýlap Maksımovka aýylyna barǵanynda tártip saqshylary ony qolǵa túsiredi.

«Qazirgi ýaqytta osy oqıǵaǵa baılanysty Qylmystyq kodekstiń 24-shi babynyń 3-bóligi, 99-shy babynyń 1-bóligi «adam óltirýge oqtalý» boıynsha sotqa deıingi tergeý amaldary júrgizilýde. Kúdikti qamaýǵa alyndy», - dep tolyqtyrdy vedomstvodan.





Avtor Aslan Ospanov
Basty sózder: Aqmola oblysy, Qylmyspen kúres,
Joǵary qaraı