Aýa raıy
Astana -8 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynda jol erejesi 2 myń márte buzylǵan

2020 jyldyń 23 qarasha 2020 11:14

KÓKShETAÝ. QazAqparat - Aqmola oblysynda ótkizilgen «Qaýipsiz jol» sharasy kezinde jol qozǵalysy erejesiniń 2000 astam ret buzylǵany anyqtaldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

Vedomstvonyń málimetinshe, 2020 jylǵy 18-20 qarasha aralyǵynda oblys aýmaǵynda «Qaýipsiz jol» respýblıkalyq jedel aldyn alý sharasy ótti.

«Úsh kúnniń ishinde óńirde jol qozǵalysy erejesiniń 2112 ret buzylǵany anyqtaldy. Onyń ishinde 25 júrgizýshi mas kúıinde kólik júrgizgeni, 234 jaǵdaıda qaýipsizdik belbeýiniń taǵylmaǵany, 116 jaǵdaıda júrgizýshiniń rýlde uıaly telefonmen sóıleskeni anyqtalyp, ákimshilik hattama toltyrylǵan» dedi vedomstvodan.

Aktsııa barysynda jaıaý júrginshilerdiń jol qozǵalysy erejelerin saqtaýyna da erekshe kóńil bólindi.

Jedel aldyn alý sharasynyń birinshi kúni jol qozǵalysy erejesin buzǵan 354 jaıaý júrginshi jaýapqa tartyldy. Onyń basym kópshiligi joldyń ruqsat etilmegen tusynan ótkender.

«Osy rette tártip saqshylary jol qozǵalysynyń barlyq qatysýshylarynan jol qozǵalysy erejelerin múltiksiz saqtaýdy suraıdy» dep tolyqtyrdy vedomstvodan.


Avtor Aslan Ospanov
Basty sózder: Kólik, Aqmola oblysy, Jol, Oqıǵa,
Joǵary qaraı