Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysyndaǵy avtomobıl joldarynyń sapasy qalaı tekserilýde

2022 jyldyń 16 qańtar 2022 18:11

KÓKShETAÝ. QazAqparat - Aqmola oblysyndaǵy avtomobıl joldarynyń sapasy tolyq baqylaýda. Bul týraly QR Indýstrııa jáne ınfraqurylymdyq damý mınıstrliginiń Jol aktıvteriniń sapasy Ulttyq ortalyǵy Aqmola oblystyq fılıalynyń mamandary málim etti, dep habarlaıdy QazAqparat tilshisi.

Jol aktıvteriniń sapasy Ulttyq ortalyǵynyń Aqmola oblystyq fılıaly baspasóz qyzmetiniń málimetinshe, ótken jyly oblystyq jáne jergilikti mańyzy bar 800 shaqyrym jol, sondaı-aq kóshe-jol jelisi jóndeldi. 230 joba iske asyryldy, olardyń bir bóligi aǵymdaǵy jyly jalǵasyn tabady. Biraq bul rette barlyq jóndeý-qurylys jumystary sapaly oryndalýy jáne barlyq talaptarǵa sáıkes kelýi mańyzdy. Osy maqsatta jol aktıvteriniń sapasy Ulttyq ortalyǵynyń Aqmola oblystyq fılıaly 180-nen astam jol-qurylys nysandaryn baqylaý arqyly aýqymdy jumys atqardy.




«Bizdiń mamandar bul nysandarǵa 270 ret baryp, jol-qurylys materıaldarynyń 1164 synamasyn aldy. Zerthana saraptamasy qorytyndysy boıynsha materıaldardyń 705 úlgisi standart talaptaryna sáıkes keldi. Alaıda, jol sapasyn tekserý kezinde júzden astam zań buzýshylyq anyqtaldy. Osy rette, biz ákimdikterge, jolaýshylar kóligi jáne avtomobıl joldary basqarmasyna, merdigerlik uıymdarǵa buzýshylyqtar, eskertýler men sáıkessizdikter boıynsha hattar men synaq hattamalaryn joldadyq. Buzýshylyqtardyń bir bóligi joıyldy, olar boıynsha sharalar qabyldandy», - dedi fılıal dırektory Talǵat Júsipov.




Fılıal mamandary atap ótkendeı, olardyń jumysynyń basty maqsaty – kinálini jazalaý nemese izdeý emes, kemshilikterdi ýaqytynda tabý jáne joıý.


Joǵary qaraı