Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmola oblysynyń bas dárigeri óńir turǵyndaryn vaktsına alýǵa shaqyrdy

2022 jyldyń 21 qańtar 2022 10:53

KÓKShETAÝ. QazAqparat - Aqmola oblysynda jyl basynan beri koronavırýs ınfektsııasynan 10 adam qaıtys boldy, onyń barlyǵy - vaktsına saldyrmaǵandar. Bul týraly Aqmola oblysy densaýlyq saqtaý basqarmasynyń basshysy Narıman Syzdyqov aıtty, dep habarlaıdy QazAqparat tilshisi.

«Jyl basynan beri óńirdegi ınfektsııalyq statsıonarlarda 10 adam kóz jumdy. Olar múldem vaktsına almaǵandar, barlyǵy derlik sozylmaly aýrýlary bar, qarttar. Biz reanımatsııadaǵy aýyr naýqastarǵa taldaý júrgizdik, sonyń qorytyndysy boıynsha vaktsınatsııa naýqany bastalǵannan beri statsıonardaǵy aýyr naýqastardyń 98-99 paıyzy vaktsına almaǵandar ekenine kóz jetkizdik», - dedi N.Syzdyqov.

Basqarma basshysynyń aıtýynsha, vaktsına ımmýnıteti álsiz naýqastarda da KVI aýrýynyń yqtımaldyǵyn azaıtady, al eger adam aýra qalǵan jaǵdaı onyń saldaryn azaıtýǵa kómektesedi.

Ádette vaktsınatsııalanǵan adamdar KVI-ny jeńil túrde alyp júredi jáne tez qalpyna keledi.

«Medıtsınaǵa senińizder! Biz kún saıyn vaktsınatsııany elemeıtin adamdardyń nemquraılyǵynyń saldaryn kórip júrmiz. Koronavırýs ınfektsııasynan kóz jumyp jatqandar - vaktsına almaǵandar. Búgin elimizde KVI juqtyrǵandar sany boıynsha rekord boldy. Bul adam ómiri men densaýlyǵy úshin arpalysqan dárigerlerimiz úshin óte qıyn. Qazirgi kezde bul aýrýmen kúresip, adam shyǵyn azaıtýdyń bir-aq joly bar, ol - vaktsınatsııa. Sol sebepti barsha aqmolalyqty vaktsına alýǵa shaqyramyn», - dedi N.Syzdyqov.

Aıta ketsek, aldaǵy aptadan bastap Aqmola oblysynda «Spýtnık Laıt» vaktsınasy qoldanylady.


Joǵary qaraı