Aýa raıy
Astana 12 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynyń bas sanıtarııa dárigeri turǵyndardy asqa barmaýǵa shaqyrdy

2020 jyldyń 7 tamyz 2020 10:36

KÓKShETAÝ. QazAqparat – Aqmola oblysynyń bas sanıtarııa dárigeri oblys turǵyndaryna karantın ýaqytynda adam kóp jınalatyn sharalarǵa, onyń ishinde as berý sharasyna, naqtyraq aıtqanda qysta qaıtys bolǵan Dýlat Aqádildiń asyna barmaýǵa keńes berdi, dep habarlaıdy QazAqparat «Aqmola News» aqparat agenttigine silteme jasap.

«Eske alý asyna qatysý koronavırýs ınfektsııasyna shaldyqqandardyń sanynyń kóbeıýine jol beredi», - dep atap ótti Aınagúl Mýsına.




Sonymen qatar, bas dáriger karantın talaptaryn saqtamaǵandar ákimshilik jaýapqa tartylatynyn eskertti.

«Áleýmettik jelide asqa shaqyrý kóbeıip ketti. Aıta keteıik, QR Bas sanıtarııa dárigeriniń №44 qaýlysyna sáıkes karantın kezinde buqaralyq sharany ótkizýge tyıym salynǵan. Mundaı sharalardy ótkizý aýyrǵandardyń sanyn kóbeıtýi múmkin. Osyǵan baılanysty adam kóp jınalatyn sharalarǵa jáne eske alý asyna barmaýǵa shaqyramyn. Karantındik talaptardy saqtamaǵandar ákimshilik kodekstiń 425 baby boıynsha jaýapqa tartylady», – dep tolyqtyrdy Aınagúl Mýsına.

Búgingi tańda Aqmola oblysynda koronavırýs ınfektsııasyn juqtyrǵandar sany 2 928 adamǵa jetti.


Avtor Aslan Ospanov
Basty sózder: Aqmola oblysy, Qoǵam,
Joǵary qaraı