Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynyń polıtseıleri boranda jolda qalǵan adamdarǵa kómektesti

2021 jyldyń 12 qańtar 2021 15:59

KÓKShETAÝ. QazAqparat - Aqmola oblysynyń polıtseıleri boranda jolda qalǵan adamdarǵa kómektesti, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

Vedomstvonyń málimetinshe, bıylǵy jyldyń basynda Aqmola oblysy aýmaǵynda aýa raıynyń nasharlaýyna baılanysty respýblıkalyq mańyzy bar avtojoldardyń keıbir ýchaskelerinde dızeldi jáne qoǵamdyq kólik túrleri úshin qozǵalys ýaqytsha shekteldi. Sol sebepti, polıtsııa qyzmetkerleri patrýldeý men jol monıtorıngin kúsheıtti. Osy ýaqyt ishinde polıtsııa qyzmetkerleri jolda qalǵan 30-ǵa jýyq adamdy qutqardy. Solardyń biri – elordalyq júk kóliginiń júrgizýshisi Qaırat Qudaıbergenov. Ol «Azat – Stepnogor» avtojolynyń 136-shy shaqyrymynda kómekke kelgen Aqmola oblysy polıtsııa departamenti jergilikti polıtsııa qyzmeti basqarmasynyń patrýldik polıtsııa rotasynyń polıtseılerine alǵys bildirdi.

«Qatty aıazdyń saldarynan Aqkól qalasynda birneshe kún turýǵa týra keldi. Joldy jalǵastyrý múmkin bolǵan kezde kólik buzylyp, jol polıtsııasy qyzmetkerleri júrgizýshige kómekke keldi. Tártip saqshylary dereý júk kóligin jaqyn mańdaǵy eldi mekenge jetkizip, ony jóndeýge kómektesti», - dep atap ótti PD ÓKP qyzmetiniń ınspektory, kishi leıtenant Qýanysh Muqanov.


Avtor Aslan Ospanov
Basty sózder: Aqmola oblysy, Qoǵam, Aýa raıy,
Joǵary qaraı