Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmola oblysynyń Shortandy aýdanyna jańa ákim taǵaıyndaldy

2021 jyldyń 8 qazan 2021 12:05

KÓKShETAÝ. QazAqparat – Aqmola oblysynyń ákimi Ermek Marjyqpaevtyń ókimimen QR Prezıdenti Ákimshiliginiń jáne aýdandyq máslıhattyń kelisimimen Baýyrjan Málǵajdarov Shortandy aýdanynyń ákimi bolyp taǵaıyndaldy. Bul týraly ol óziniń áleýmettik jelidegi paraqshasynda jazdy, dep habarlaıdy QazAqparat tilshisi.

«Búgin Aqmola oblysy ákimi E.B.Marjyqpaevtyń ókimimen Qazaqstan Respýblıkasy Prezıdenti Ákimshiliginiń jáne aýdandyq máslıhattyń kelisimimen men Aqmola oblysy Shortandy aýdanynyń ákimi laýazymyna taǵaıyndaldym.

Aýdannyń barlyq beı-jaı qaramaıtyn turǵyndaryna jobalardy iske asyrýǵa qoldaý kórsetkeni, komandalyq úılesimdi jumysy jáne áleýmettik jaýapkershiligi úshin rızashylyǵymdy bildirýge ruqsat etińiz.

Birlesken kúsh-jigerdiń arqasynda aldymyzda turǵan mindetterdi sheshý úshin kóp is tyndyrdyq.

Áriptesterime janymda ótkizgen jemisti jumys yntymaqtastyǵy úshin jeke alǵysymdy bildiremin», - dep jazdy Baýyrjan Málǵajdarov jelide.

Aıta ketsek, osyǵan deıin Shortandy aýdanynda ákim bolǵan Ǵaıdar Qasenov Qosshy qalasynyń ákim laýazymyna taǵaıyndalǵan edi.

Joǵary qaraı