Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolada 28 jastaǵy jigit qarjy pıramıdasyn quryp, eki jyl boıy elden aqsha jınaǵan

2021 jyldyń 30 shilde 2021 21:38

KÓKÓShETAÝ. QazAqparat - Aqmola oblysynda qarjy pıramıdasyn uıymdastyrý jáne basqarý faktisi boıynsha tergeý júrip jatyr, dep habarlaıdy QazAqparat.

Aqmola polıtseıleri Tselınograd aýdanynyń 28 jastaǵy turǵynyna qatysty qarjy pıramıdasyn uıymdastyrdy degen kúdikpen sotqa deıingi tergeý bastady.

Kúdiktiniń WhatsApp messendjerinde «Ózara kómek kassasy» chatyn quryp, 2019 jylǵy tamyzdan bastap 2021 jylǵy sáýirge deıin qarjy pıramıdasyn basqarǵany belgili boldy.

Ol Aqmola oblysy men elimizdiń basqa da óńirleriniń turǵyndarynyń aqshasyn alaıaqtyq jolmen qaltasyna basqan.

Qazirgi ýaqytta atalǵan fakti boıynsha QR QK 190-babynyń 2-bóligi «Alaıaqtyq» boıynsha sotqa deıingi tergeý júrgizilýde.

Qarjy pıramıdasynyń qyzmetinen zardap shekkender Aqmola oblysynyń Polıtsııa departamentine nemese «102» nómirine habarlasa alady.

Polıtseıler azamattardan qyraǵy bolýdy, kúmándi qarjy uıymdaryna aqsha salmaýdy suraıdy.

«Eger Siz nemese sizdiń jaqyndaryńyz qarjy pıramıdasynyń qyzmetine tap bolsa, dereý polıtsııaǵa habarlaýyńyzdy suraımyz» dep eskertedi polıtsııa.


Joǵary qaraı