Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Aqmolada 72 jastaǵy zeınetker jasóspirimdi soǵyp mert qyldy

2019 jyldyń 20 qyrkúıek 2019 17:10

KÓKShETAÝ. QazAqparat – Aqmola oblysynda 72 jastaǵy qarııa kóligimen mototsıkl aıdaǵan jasóspirimdi soǵyp mert qyldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, oqıǵa qyrkúıektiń 18-de Stepnogor qalasynyń Bestóbe kentindegi Mır jáne Pokryshkın kósheleriniń qılysynda oryn alǵan.

«Oqıǵa ornyna barǵan tártip saqshylary keshki saǵat 18:40-ta Bestóbe kentiniń 72 jastaǵy turǵyny «Mitsubishi RVR» kóligimen «Racer» mototsıklin tizgindegin 15 jastaǵy jasóspirimdi qaǵyp ketkenin anyqtady. Zeınetker Mır kóshesinen Pokryshkın kóshesine buryla bergende mototsıklge jol bermegen. Osynyń saldarynan 15 jastaǵy jasóspirim aýrýhanada kóz jumsa, onyń jolaýshysy 16 jastaǵy mektep oqýshysy jabyq mıy jaraqaty, buǵana synyǵy sııaqty túrli dene jaraqatymen aýrýhanaǵa jatqyzyldy. Avtokólik júrgizýshisiniń ishimdik ishpegeni anyqtaldy», - deıdi vedomstvonyń baspasóz qyzmeti.

Qazirgi kezde adam ólimine ákelip soqtyrǵan jol apatyna qatysty QR QK 345-babynyń 3 bóligi boıynsha is qozǵalyp, sotqa deıingi tergeý júrgizilip jatyr.


Avtor Aslan Ospanov
Basty sózder: Aqmola oblysy, Oqıǵa, Kólik,
Joǵary qaraı