Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolada 81 kvazımemlekettik sektor uıymy sybaılas jemqorlyqqa qarsy komplaens engizdi

2021 jyldyń 4 qazan 2021 13:31

KÓKShETAÝ. QazAqparat - QR Sybaılas jemqorlyqqa qarsy is-qımyl agenttiginiń Aqmola oblysy boıynsha departamentiniń basshysy Arman Rahımov densaýlyq saqtaý salasyndaǵy kvazımemlekettik sektor uıymdarynyń ókilderimen shet elderdiń tájirıbesi boıynsha komplaenstiń sybaılas jemqorlyqqa qarsy qyzmetter ınstıtýtyn engizý máselesi boıynsha onlaın semınar ótkizdi, dep habarlaıdy QazAqparat tilshisi.

Kezdesý barysynda departament basshysy kvazımemlekettik kompanııalar men jeke sektor uıymdarynda sybaılas jemqorlyqtyń aldyn alý jáne parasattylyqty qamtamasyz etýdiń tıimdi zamanaýı quraly retinde sybaılas jemqorlyqqa qarsy komplaenstiń ózektiligi men mańyzdylyǵyn atap ótti.




«Korporatıvtik adaldyq standarttaryn saqtaýǵa jaýapty táýelsiz komplaens bólimshelerin qurý jáne tıimdi jumys isteý kompanııa basshylary úshin basym baǵyttardyń biri bolýy tıis. Al densaýlyq saqtaý uıymdary úshin bul másele óte ózekti, óıtkeni azamattardyń densaýlyǵy medıtsına qyzmetkerleriniń jumys sapasyna baılanysty», - dedi Arman Rahımov.

Semınarda shaqyrylǵan spıker-Memlekettik basqarý akademııasynyń oblystyq fılıalynyń dırektory Bella Gazdıeva sóz sóıledi, ol ISO 37001 halyqaralyq standarty jáne komplaens-ofıtserlerge arnalǵan oqytý baǵdarlamalary týraly egjeı-tegjeıli aıtyp berdi.




Ol atap ótkendeı, ISO 37001 - uıymdarda sybaılas jemqorlyqqa qarsy júıeni engizý, qoldaý jáne jaqsartý boıynsha egjeı-tegjeıli talaptar men usynystardyń jıyntyǵy.

Kezdesýge qatysýshylar sybaılas jemqorlyqqa qarsy komplaenstiń negizgi basymdyqtaryn talqylap, pikir jáne usynystar almasty.

Esterińizge sala keteıik, ótken jyldyń sońynda kvazımemlekettik sektor uıymdarynda komplaens qurylymdardy anyqtaý týraly norma zańdy túrde engizildi, jeke kompanııalar úshin zańmen óz qalaýy boıynsha komplaens-qyzmetterdi qurý quqyǵy bekitildi.

Qazirgi ýaqytta oblystyń jergilikti atqarýshy organdaryna esep beretin 81 kvazımemlekettik sektor uıymynda komplaens qyzmetkerleri bar.


Joǵary qaraı