Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolada ákim orynbasary men bólim bastyǵy jer telimi úshin kásipkerden para suraǵan

2021 jyldyń 22 qańtar 2021 18:08

NUR-SULTAN. QazAqparat – Aqmola oblysynda sheneýnikter 2 jer telimi boıynsha jer paıdalaný quqyǵyn berý týraly oń sheshim shyǵarý úshin kásipkerlik sýbektisinen 800 000 teńge somasynda para alý kúdigine ilindi. Bul týraly AntikorNEWS alańynda QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov aıtty, dep habarlaıdy QazAqparat tilshisi.

«Aqmola oblysy boıynsha Sybaılas jemqorlyqqa qarsy qyzmet bir aýdan ákiminiń orynbasary men sáýlet jáne qala qurylysy bólimi basshysyna qatysty aldyn ala sóz baılasý arqyly bir top adamnyń para alý kúdigi boıynsha sotqa deıingi tergeýdi sotqa joldady», - deıdi QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov.

Onyń aıtýynsha, sheneýnikter 2 jer telimi boıynsha jer paıdalaný quqyǵyn berý týraly oń sheshim shyǵarý úshin kásipkerlik sýbektisinen 800 000 teńge somasynda para alý kúdigine ilindi.

«Byltyr 17 qazanda olarǵa qatysty «kúzetpen ustaý» bultartpaý sharasy tańdaldy. 2020 jyly 24 jeltoqsanda qylmystyq is aıyptaý qorytyndysymen Arshaly aýdandyq sotyna joldandy», - deıdi ol.




Joǵary qaraı