Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolada daýyldan úılerdiń shatyry ushyp, turǵyndar jaryqsyz qaldy

2021 jyldyń 26 shilde 2021 15:56

STEPNOGOR. QazAqparat – Aqmola oblysy Stepnogor qalasyndaǵy Izobılnoe aýylynyń 147 abonenti quıyn jeldiń saldarynan jaryqsyz qaldy. Qolaısyz aýa raıynan eldi mekendegi birneshe úıdiń shatyry ushyp ketti, dep habarlaıdy QazAqparat tilshisi.

Aqmola oblysy TJD baspasóz qyzmetiniń málimetinshe, 25 shilde kúni Stepnogor qalasyndaǵy Izobılnoe aýylynda saǵat 18:15 shamasynda daýyldy jel soqqany jaıly habar kelip túsken.

Daýyl saldarynan elektr baǵanalary, aǵashtar búllingen, sondaı-aq turǵyn úılerdiń shatyrlary ushyp ketken.

«Oqıǵa ornyna kelgende eldi mekende 25-30 m/s jyldamdyqpen soqqan jeldiń saldarynan 17 elektr baǵanasynyń búlingeni, bir úıdiń shatyry tolyǵymen, al 29 turǵyn úıdiń shatyry ishinara ushyp ketkeni anyqtaldy. Sondaı-aq aýyl klýby ǵımaratyndaǵy 20 sharshy metr aýmaqtyń shatyry búlingen. Sonymen qatar, daýyl jylý qazandyǵy ǵımaratyndaǵy 100 sharshy metr aýmaqtyń shatyryn ushyryp áketken. Zardap shekkender joq», - dep atap ótti vedomstvo.

Elektr baǵanalarynyń búlinýi saldarynan aýyldyń 147 abonenti jaryqsyz qaldy. Oqıǵa ornynda «Kókshe-energo» JShS-nyń apattyq toby jumys isteýde.

Sondaı-aq qutqarýshylar atap ótkendeı, Bestóbe kentinde de úsh turǵyn úıdiń shatyry zaqymdalǵan.

«Stepnogor qalasynyń ákimdigi eldi mekenderge kelgen shyǵyndy baǵalaý úshin, tabıǵı apattyń saldaryn joıý úshin komıssııa qurdy», - dedi oblystyq TJD bastyǵynyń orynbasary Qanat Dospaev.


Joǵary qaraı