Aýa raıy
Astana 28 °S
Almaty 28 °S
valıýta baǵamy
USD 386.70
EUR 427.15
RUB 6.06
CNY 54.57

Aqmolada ıtti azaptap, qorlaǵan balalar tabyldy

2019 jyldyń 24 tamyz 2019 23:15

KÓKShETAÝ. QazAqparat – Aqmolalyq polıtseıler Tselınograd aýdany Talapker aýylynda tóbetti azaptaǵan jasóspirimderdi anyqtady, dep habarlaıdy QazAqparat óńirlik polıtsııa departamentiniń baspasóz qyzmetine silteme jasap.

Vedomstvonyń málimetinshe, 24 tamyz kúni áleýmettik jelilerde jáne buqaralyq aqparat quraldarynda azaptalǵan ıt týraly vıdeo tarap ketken. Vıdeo avtorynyń sózine sensek, oqıǵa Tselınograd aýdanynyń Talapker aýylynda bolǵan.

«Polıtsııa departamenti vıdeony zerdelep, sol kúni-aq kámeletke tolmaǵandardyń jeke tulǵasyn anyqtady. Tselınograd aýdandyq ıývenaldy polıtsııa qyzmetkerleriniń aıtýynsha, 22 tamyzda 12, 10 jáne 7 jasar 4 bala ıtti aǵashqa baılap, azaptap qınaǵan. Bul ıt sol balalardyń bireýine tıesili. Jasóspirimderdiń qatigezdikke toly is-áreketine Nur-Sultan qalasynyń turǵyny tosqaýyl qoıdy», - dep málim etti vedomstvodan.

Polıtseıler janýarlardy azaptaý faktisi boıynsha balalarmen áńgimelesip, túsindirdi. Quqyq buzýshylar kámelet jasyna tolmaǵandyqtan olardyń ata-anasyna qatysty ákimshilik hattama toltyrylyp, aıyppul salyndy.

« Balalar baqýat otbasyda ósip jatyr, olar polıtsııada esepte turǵan joq», - dep qosyp ótti vedomstvodan.

Qazirgi tańda Bars atty ıt ıesiniń ruqsatymen Nur-Sultan qalasyndaǵy jańa qojaıynynyń qamqorlyǵyna berildi.

Perevod Janat Qapalbaeva
Basty sózder: Zań, Oqıǵa, Aqmola oblysy,
Joǵary qaraı