Aýa raıy
Astana -10 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolada kásiporyn shoıyn armatýrany 17 ese qymbatqa satyp almaq bolǵan

2020 jyldyń 27 qarasha 2020 14:38

KÓKShETAÝ. QazAqparat - Aqmola oblysynda kásiporyn shoıyn armatýrany naryqtaǵy baǵadan 17 ese qymbatqa satyp almaqshy bolǵan, dep habarlaıdy QazAqparat tilshisi Aqmola oblysy boıynsha Sybaılas jemqorlyqqa qarsy is-qımyl departamentiniń baspasóz qyzmetine silteme jasap.

Aqmola oblysy boıynsha Sybaılas jemqorlyqqa qarsy is-qımyl departamenti bıýdjet qarajatynyń tıimdi jumsalýyn baqylaý maqsatynda Biryńǵaı satyp alý terezesi arqyly memlekettik satyp alý júıesine monıtorıng júrgizdi.

Monıtorıng óńirdiń birqatar memlekettik organdar jáne kvazımemlekettik sektorynyń uıymdarynda josparlanǵan taýarlarǵa, jumystarǵa jáne qyzmetterge baǵany kóterý faktilerin kórsetti.

Atap aıtqanda, «Kokshetaý jylý» memlekettik kásiporny jalpy somasy 9 629 984 teńgege nemese bir danasy úshin 1456 teńgege metall dánekerleý elektrodyn satyp alýdy josparlaǵan, al osy taýardyń ortasha naryqtyq baǵasy - 549 teńge.

Departamenttiń usynys hatynan keıin uıym josparlanǵan satyp alýdyń ońtaıly baǵasyn belgiledi. Osylaısha 6 mln teńgege jýyq qarjy únemdeldi.

Óńirdiń Sybaılas jemqorlyqqa qarsy vedomstvosynyń usynysy boıynsha Stepnogor qalasynyń turǵyn úı-kommýnaldyq sharýashylyǵy, jolaýshylar kóligi, avtomobıl joldary jáne turǵyn úı ınspektsııasy bóliminiń janyndaǵy «Stepnogorsk-vodokanal» kásipornynda shoıynnan jasalǵan qubyr armatýrasynyń qunyn tómendetý jolymen shamamen 7 000 000 teńge únemdeldi.

Shoıyn ysyrmalardy satyp alý bastapqyda bir taýar úshin 1 470 000 somasyna josparlanǵan bolatyn, alaıda, medıandyq baǵa - bir danasy 85 000 teńge.

Sonymen qatar, Atbasar aýdanynyń ákimdigine 950 myń teńgege jýyq somaǵa keńse jıhazyn satyp alýǵa tyıym salyndy.


Joǵary qaraı