Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolada kelinshek bir jarym aılyq sábıin satqan

2021 jyldyń 26 shilde 2021 18:46

KÓKShETAÝ. QazAqparat – Aqmola oblysynyń turǵyny óziniń 1,5 aılyq nárestesin 1 mıllıon teńgege baǵalaǵan. Kelinshek bala súıe almaı júrgen erli-zaıyptyǵa óziniń qyzyn satqan, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, 23 shilde kúni Krımınaldy polıtsııa basqarmasynyń qyzmetkerleri bala satyp alýǵa qatysty faktini anyqtady.

«Oblystyq krımınaldy polıtsııa basqarmasyna zańsyz mámile týraly shuǵyl habar kelip tústi. Polıtsııa qyzmetkerleri 1,5 aılyq sábıdi ózderine almaq bolǵan bala súıe almaı júrgen erli-zaıyptyny izdestirip tapty. Belgili bolǵandaı, kelisim Aqmola oblysy aýmaǵynda erli-zaıypty men náresteniń 27 jastaǵy anasynyń arasynda bolǵan. Ol buǵan deıin Qylmystyq kodekstiń 188-baby 1-bóligi («Urlyq») jáne 190-babynyń 1-bóligi («Alaıaqtyq») boıynsha qylmystyq jaýapqa tartylǵan», - dep atap ótti vedomstvo.

Polıtseıler anyqtaǵandaı, náresteniń anasyna 1 mln teńge kóleminde aqsha berilgen. Qazirgi ýaqytta aqmolalyq polıtseıler oblystyń óńirdegi úsh jasqa deıingi balalarǵa arnalǵan mekeme qyzmetkeriniń qylmysqa qatysy bar-joǵy tekserip jatyr.

Atalǵan fakti boıynsha Qylmystyq kodekstiń 135-baby 2-tarmaǵy boıynsha («Adam saýdasy») sotqa deıingi tergeý amaldary bastaldy. Atalmysh bapta múlkin tárkileı otyryp, 7 jyldan 9 jylǵa deıingi merzimge bas bostandyǵynan aıyrý jazasy qarastyrylǵan.

Eke sala keteıik, qoǵamdyq tártipti qamtamasyz etý, kósheler men qoǵamdyq oryndardaǵy qylmystardyń aldyn alý, jolyn kesý maqsatynda Aqmola oblysynyń Polıtsııa departamenti 19-23 shilde aralyǵynda óńirde «Quqyqtyq tártip» jedel-aldyn alý sharasyn ótkizdi.


Avtory Oksana Matasova


Joǵary qaraı