Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolada oqýshylar arasynda polıtsııa jumysy jaıly ǵylymı jobalar baıqaýy ótti

2020 jyldyń 24 qarasha 2020 10:35

KÓKShETAÝ. QazAqparat – QR Tuńǵysh Prezıdenti kúni qarsańynda Aqmola oblysynda Qazaqstan halqy Assambleıasynyń qoldaýymen polıtsııa departamenti mektep oqýshylary arasynda ǵylymı jobalar baıqaýyn ótkizdi, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, óskeleń urpaqty tárbıeleý, azamattyq prıntsıp jáne patrıotızmdi qalyptastyrý arqyly bilim jáne tárbıeni qalyptastyrý maqsatynda uıymdastyrylǵan baıqaýǵa mektep oqýshylary asa yjdahatpen qatysty.

Baıqaý jeńimpazdary «Polıtsııa - memlekettik qyzmettiń erekshe túri», «Polıtsııanyń úzdik batyrlary», «ІІB ardagerleri tártip kúzetinde» sekildi úsh atalym boıynsha anyqtaldy.

Oqýshylar ǵylymı jobasyn daıyndaý barysynda ishki ister organdarynyń qyzmetin zerttep, qyrýar jumys atqardy.

Oqýshylar vıdeorolık jáne slaıd arqyly polıtsııa qyzmetkerleriniń kúndelikti jumysyn kórsetip, tártip saqshylarynyń mindetteri týraly aıtty.




Sonymen birge, erlik jasaǵan jáne qyzmet babynda qaza bolǵan polıtsııa qyzmetkerleri týraly teatrlandyrylǵan kórinis usynyldy. Barlyq qatysýshylar baıqaý talaptary boıynsha tapsyrma oryndady.

Baıqaýǵa Qazaqstan halqy Aqmola oblystyq assambleıasy jáne assambleıa janyndaǵy volonterler ortalyǵynyń jetekshisi Ýmar Shonozorov, Kókshetaý tehnıkalyq lıtseıiniń qazaq tili men ádebıeti pániniń muǵalimi Irına Hohlova tórelik etti.

Sonymen birge, Aqmola oblystyq ishki saıasat basqarmasy janyndaǵy «Qoǵamdyq kelisimniń» taldaý jáne monıtorıng bóliminiń basshysy Svetlana Egıkıan, Aqmola oblystyq PD kadr saıasaty basqarmasynyń bastyǵy Elkebek Áýbákirov baıqaý jumystaryn baǵalady.

Barlyq oqýshylar ǵylymı jumystaryna asa jaýapkershilikpen qarady, sol sebepti jeńimpazdardy tańdaý qıynǵa soqty.

Jeńimpazdardy marapattaýǵa Qazaqstan halqy Aqmola oblystyq assambleıasynyń kásipkerler qaýymdastyǵynyń dırektory Ýmar Shonozorov demeýshilik kómek kórsetti. Jeńimpazdardy marapattaý rásimi Zoom arqyly júzege asyrylady.


Joǵary qaraı