Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolada shaǵyn bıznesti zańsyz teksergen memorgandar jaýapqa tartyldy

2021 jyldyń 14 maýsym 2021 22:23

KÓKShETAÝ. QazAqparat - Aqmola oblysynda shaǵyn kásipkerlik sýbektisin zańsyz teksergen memlekettik organdar jaýapqa tartyldy, dep habarlaıdy QazAqparat tilshisi oblystyq prokýratýranyń baspasóz qyzmetine silteme jasap.

Vedomstvonyń málimetinshe, 2020 jylǵy 1 qańtardan bastap Prezıdent Jarlyǵymen shaǵyn kásipkerlik sýbektilerine, onyń ishinde mıkrokásipkerlik sýbektilerine barý arqyly tekserýler men profılaktıkalyq baqylaý jáne qadaǵalaý júrgizýge 3 jyldyq moratorıı engizildi.

Nátıjesinde, Aqmola oblysynyń aýmaǵynda 2020 jyldyń ózinde ǵana bıznes sýbektilerin tekserý sany 2 esege (8074-ten 4299-ǵa deıin) azaıdy.

Mysaly, Mobıldi top Shortandy aýdanynyń memlekettik kirister basqarmasy tarapynan shaǵyn kásipkerlik sýbektisiniń qyzmetin zańsyz teksergenin anyqtady.

«JQS obektisin tekserý moratorıı talaptaryn buza otyryp (ortalyq memlekettik organnyń birinshi basshysynyń sheshimin shyǵarýsyz) ǵana emes, tekserýdi taǵaıyndaý jáne ony QSjAEK organdarynda tirkeý týraly nusqama shyǵarýsyz da júrgizildi. Osyǵan baılanysty ÁQBtK-niń 175 babynyń 1-shi bóligi «Jeke kásipkerlik sýbektilerine tekserý júrgizý tártibin buzý» boıynsha ákimshilik quqyq buzýshylyq týraly is qozǵaldy. Sot qaýlysymen aýdandyq memlekettik kirister basqarmasynyń bólim basshysy 14 AEK kóleminde aıyppul túrinde ákimshilik jaýapkershilikke tartyldy», - dedi vedomstvodan.

Aqmola oblystyq prokýratýranyń baspasóz qyzmeti atap ótkendeı, tutastaı alǵanda, moratorııdiń qoldanylý kezeńinde negizsiz tekserýler taǵaıyndaý faktileriniń jolyn kesý olardy quqyqtyq statıstıka jáne arnaıy esepke alý basqarmasynda tirkeý satysynda júrgiziledi.

«Qabyldanǵan sharalardyń arqasynda shaǵyn kásipkerlik sýbektilerin 12 negizsiz tekserýdiń aldyn aldy. Mysaly, Nura-Sarysý basseındik ınspektsııasynyń moratorıı belgilegen sý resýrstaryn paıdalanýdy retteý jáne qorǵaý jónindegi tyıymyna qaramastan, aǵymdaǵy jyldyń qańtar aıynda shaǵyn kásipkerlik sýbektisine qatysty tekserýdi taǵaıyndaý týraly akt zańsyz shyǵarylǵan. Osy tekserý aktisin tirkeýden bas tartyldy, kináli tulǵa tártiptik jaýapkershilikke tartyldy», - dep tolyqtyrdy vedomstvodan.

Osy rette táýligine 24 saǵat boıy tekserýshilerdiń is-áreketine kásipkerler júgine alatyn prokýratýralardyń barlyq deńgeıinde senim telefony bar (oblys prokýratýrasynyń nómirleri: 8 716 2 40-29-08, 8 777 615 75 29) Call-ortalyǵy jumys isteıdi.


Joǵary qaraı