Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolada jol apatynan qaza tapqan polıtseılerge monýment ornatyldy

2021 jyldyń 23 maýsym 2021 09:21

KÓKShETAÝ. QazAqparat - Qazaqstan polıtsııasy kúni qarsańynda Aqmola oblysynyń ýche qalasynda qyzmettik mindetterin oryndaý kezinde qaza tapqan polıtsııa qyzmetkerleri Qanat Otarbaev pen Qanat Hamıdýllınniń qurmetine monýment ornatyldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Karantındik sharalardy saqtaı otyryp ótken monýmenttiń ashylý saltanatyna jınalǵandar qaza tapqan polıtseılerdi bir mınýt únsizdikpen eske aldy.

Sharaǵa Aqmola oblysy polıtsııa departamentiniń bastyǵy, polıtsııa general-maıory Armanbek Baımýrzın, Býrabaı aýdanynyń ákimi Áset Muzdybaev, qaza bolǵandardyń týystary, aýdandyq polıtsııa bóliminiń qyzmetkerleri jáne ishki ister organdarynyń ardagerleri qatysty.

«Polıtsııa departamentiniń jeke quramy qyzmettik boryshyn oryndaý kezinde qaza tapqan joldastaryn eske alady. Biz ishki ister organdarynda laıyqty qyzmet atqarǵan áriptesterimizdi maqtan tutamyz. Qanat Otarbaev polıtsııada 16 jyl, Qanat Hamıdýllın 12 jyl qyzmet etti. Olardyń kásibıligi, óz jumysyna adaldyǵy-erlik pen ar-namystyń úlgisi», - dep atap ótti polıtsııa bóliminiń basshysy.




Osy rette Armanbek Baımýrzın qaza tapqan qyzmetkerlerdiń jesirlerine turǵyn úıdi jekeshelendirý týraly kelisimshart tapsyrdy.

Sonymen birge, ol qaza tapqan polıtseılerdiń otbasylary árdaıym kómek pen qoldaýǵa sene alatynyn atap ótti.

Eskertkish ornatý jumysyn uıymdastyrýǵa qatysqandardyń bárine alǵysyn jetkizdi.

Býrabaı aýdanynyń ákimi qaıtys bolǵan ofıtserlerdiń ata-analaryna óz eliniń naǵyz azamattaryn laıyqty tárbıelegeni úshin rızashylyǵyn bildirdi.

Qaza tapqan polıtseılerdiń týystary departament basshylyǵyna, jergilikti atqarýshy organdarǵa olardyń otbasylaryna kórsetken qoldaýy men yqylasy úshin rızashylyǵyn bildirdi.




Shara sońynda polıtsııa departamentiniń bastyǵy, Býrabaı aýdanynyń ákimi, Іshki ister organdarynyń ardagerleri, aýdandyq polıtsııa bóliminiń qyzmetkerleri, marqumdardyń týystary men jaqyndary eskertkishke gúl shoqtaryn qoıdy.

Aıta keteıik, osydan segiz aı buryn kezekti shaqyrýǵa baryp kele jatqan ýchaskelik ınspektorlar jol-kólik oqıǵasy saldarynan kóz jumdy.




















Joǵary qaraı