Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqmolalyq oqýshylar elektrondy memlekettik qyzmetterdi alýǵa úırenedi

2022 jyldyń 24 qańtar 2022 09:55

KÓKShETAÝ. QazAqparat - QR Memlekettik qyzmet isteri agenttiginiń Aqmola oblysy boıynsha departamentiniń bastamasymen Kókshetaý qalasy kolledjderi men mektepteriniń ınformatıka páni oqytýshylaryn eGov.kz elektrondyq úkimet portalynda jumys isteý daǵdylaryna oqytý júrgizilýde, dep habarlaıdy QazAqparat tilshisi vedomstvonyń baspasóz qyzmetine silteme jasap.

Atalǵan baǵytta Departament oblystyq bilim basqarmasymen jáne «Azamattarǵa arnalǵan úkimet» memlekettik korporatsııasynyń jergilikti fılıalymen tyǵyz baılanysta jumys isteıdi.

Trenıngter barysynda ınformatıkterdi tek eGov portaly arqyly ǵana emes, eGov mobile, Kaspi.kz jáne Homebank mobıldi qosymshalary arqyly da qyzmetterdi alýǵa úıretýde.

«Halyqtyń tsıfrlyq saýattylyǵyn arttyrý Departament qyzmetiniń negizgi baǵyttarynyń biri bolyp tabylady. Bizdiń maqsatymyz - oqytýshylardy daıyndaý, al olar óz kezeginde joǵary synyp oqýshylary men stýdentterdi oqytatyn bolady. Bul bizdiń halqymyzdyń eń mobıldi bóligi, olar birinshi kezekte tsıfrlyq daǵdylarǵa ıe bolýy jáne óz daǵylarymen úlkendermen bólisýi tıis», - deıdi QR Memlekettik qyzmet isteri agenttigi Aqmola oblysy boıynsha departamentiniń baspasóz hatshysy Jazıra Seıtmaǵanbetova.





Joǵary qaraı